المشاركة الأصلية كتبت بواسطة نايف بركه
[poem=font="Simplified Arabic,5,darkblue,normal,normal" bkcolor="transparent" bkimage="" border="double,4,silver" type=1 line=0 align=center use=ex num="0,black"]
أدفن دموعي بجفنـي مـن حيـاي=وآتظاهـر للمـلا بـأنـي قــوي
خوووووف لايلمح دموعي أخوياي=آآآآآه ياشيـن التشـرّه بالـخـوي
ماحداني عن مخاواهـم ,, بـلاي=كـود هـمٍ بالمحـاديـب يـعـوي
إن شبع من كبدي إنقـض بكـلاي=وإن شرب من دم قلبـي مـاروي
إنولـد فينـي وسكّنتـه حـشـاي=وقمت سمّيته من العشـق "جلـوي"
زابـن الدنيـا وداخـل مـن وراي=والدّخيـل آصيـر لعيونـه فـدوي
راااااحت الدنيا , ولكن ويش جاي؟=دام أوّلـهـا تلوّيـنـي لـــوي
عفـت تاليهـا وجارمـت اقربـاي=والسبب طعنة بناخـي , وقْـروي
بالظهر سبعـه , وثامنهـا بلقـاي=بالصدر تشـوي معاليقـي شـوي
دامنـي رجّـال والـرازق معـاي=ونيّتي بيضـاء ولانـي فوضـوي
ماعلـي ممّـا يسـوّون أصدقـاي=لو يلفّوني عـن الـدرب السّـوي
لا ,, وربّي مايصيـرون ارفقـاي=لو يطوّونـي علـى كفنـي طـوي
ماغلبت النـاس إلا .. فـي وفـاي=والولـي عالـم بصـدر المنكـوي
ماطرقت الحب من بـادي عمـاي=في علـوم الحـب جـداً محتـوي
مايشابهني علـى عشقـه اعـداي=كود رجّال مـن العشـق "دْمُـوِي"
مارفعت الراس في عالـي سمـاي=كـود أنـا للنايـفـات المهـتـوي
وماثنيت الـراس طمعـان بهـواي=الأجل محتـوم , والقلـب شقـوي
يامحمـد .. لا تقـلّـل مسـتـواي=وإنت رجّـالٍ صميـدع و"بلـوي"
خوّتـك تشـرى ولكـن ياغـنـاي=ماهقيـت إن المناعـيـر تـهـوي
إنت ,, أغلى واحدٍ بيـن إنسبـاي=مايخـون الحـب رجّـال بـدوي
فاطرك ربّي على الفطره ,, وداي=آدمـي , بجسـم دابٍ ملـتـوي!!
الجبل ماهزّتـه ضربـة حصـاي=والبحـر لاضـاق يزويـنـا زوي
إن دعيتـه ماسمعـت إلاّ صـداي=مارحمنـي ليـه ملعـون الثّـوي
وإن نزل دمعي .. فهذا مـن رداي=والغلط محسوب .. في ’دنيا القوي’[/poem]
