http://www.yaglby.com/uplod/files/Su...1140557406.gif
بسم الله الرحمن الرحيم
السلام عليكم ورحمة الله وبركاتة
كيف حالكم مع البرد <-- لابس ( قفازات عشان يكتب الموضوع )؟
ماحزنتو علي عشان ما دخلت لي يومين هههههههههههه <-- واثق من نفسة
معلومات عن الموضوع :
عدد الصور : 30
الوقت : ساعتين بس متقطعه :)
رفع الصور : ولد منيرهـ ( الله يجزاه بالخير )
نبدأ في رحلتنا ( بدون تخطيط مسبق )
حنا عددنا 6 اشخاص
معاذ ( اللي هو انا ) ، متعب ( عزازي :) ) ، عبدالله ( يقطع البصل والطماط ) ، نواف ( يجمع حصى ) ، انس ( يلعب بلوت وبس ومايقوم بأي عمل اخر ) ، سلطان ( عصبي ويغسل الصحون بعد ويحب النصر )
http://www.al9da.net/mrta7/mo2/al3odh/al3odh/32.jpg
قمنا الصبح من يوم الأثنين ( كان متعب وسلطان في المخيم ) وحنا في الرياض ورايحين نسير عليهم هناك
المهم قمنا وافطرنا وشريت لي قفازات عشان البرد بس ياهي بايخة نص يدي برى هههههه
مسكنا الخط ،، ووصلنا على اذان الظهر وشرينا دجاج وحطب وملح وبصل وطماط ،، وجلسنا ندور ملحه تبيع لحم عشان نتغدى عليه
المهم مرينا كم محل وعجزنا نلقى كلها بايخات
المهم يوم رحنا للمخيم وجلسنا مع متعب ومضبط ذيك القهوة اللي تعدل الراس <-- ترى مهب يتقهوى ههههههههههههه
وجلس عبدالله ومتعب في تقطيع البصل والطماط والدجاج اللي حنا شارين :
http://www.al9da.net/mrta7/mo2/al3odh/al3odh/1.jpg
http://www.al9da.net/mrta7/mo2/al3odh/al3odh/2.jpg
http://www.al9da.net/mrta7/mo2/al3odh/al3odh/3.jpg
http://www.al9da.net/mrta7/mo2/al3odh/al3odh/4.jpg
وعقب الغدى :
جلسنا نتشاور في امر اللحم وش نسووي ،، وجاء في بالنا تيس ( مقترحة نواف ) المهم وجلس متعب يدق على بعض من اخوياه عشان يسألهم عن التيوس ،، ويشووف وين نلقى تيس منتاز
المهم عطانا رقم واحد حولنا واروح انا وسلطان نشترية بددسن <-- كشخة :) وانا راكبن الددسن
وندخل على ذاك الحوش وانا وسلطان ماندري وش الغنم من الدجاج ههههههه <-- اوص لا تعلم احد
المهم راعي الغنم يعطينا سعر واذا دخل زود خمسين ريال عليها ،، والله ونزعل عليه ونتهاوش معه ونحاول فيه الين عطانا ها المليح بـ 425
ونركبة الصندوق ( الصحن ) ،، ودي اركب مع بس اخاف يقول سلطان وش ها البرز اللي انا ماخذة معي بس قلت لا خلك كبير واركب قدام ههههه
http://www.al9da.net/mrta7/mo2/al3odh/al3odh/5.jpg
http://www.al9da.net/mrta7/mo2/al3odh/al3odh/6.jpg
ونروح للمسلخ ونسلخة بس ماش بنقاليتهم ياهم قطعوني تقطيع ،، يقولون لسلطان هذا ماشوف ذبح اببد <=== جالس يصور خطوات الذبح وهم مستغربين مني <-- ترى يحسبونة فلبيني هههههههه
http://www.al9da.net/mrta7/mo2/al3odh/al3odh/7.jpg
http://www.al9da.net/mrta7/mo2/al3odh/al3odh/8.jpg
ويوم خلصنا ونرجع انا وسلطان ومعنا التيس <-- عز الله جابوة النشاما
وجلسنا المغرب نشرب شاهي يعدل الراس من تزين متعب ،، وشبه ها النار اللي ترد الروح واذا شفتها تدفئ هههههه
http://www.al9da.net/mrta7/mo2/al3odh/al3odh/9.jpg
وجلسنا نسولف ونتهاوش ،، وشرب في ها الشاهي ،، عرفتو البريق ذاك اللي يجي ملون حق منول ( منول = القديمين )،، ولعب بلوت وفزت عليهم اربع مرات وفازو علي مرتين ( انا وانس مع بعض ) و ( نواف وسلطان مع بعض )والنتيجة النهائية 4 - 2
عقب صلاة العشاء قام الشقردي متعب والشقردي الثاني في تزيين العشاء ( مندي لحم )
http://www.al9da.net/mrta7/mo2/al3odh/al3odh/10.jpg
http://www.al9da.net/mrta7/mo2/al3odh/al3odh/11.jpg
هذا نكسر الحطب عشان المندي
http://www.al9da.net/mrta7/mo2/al3odh/al3odh/12.jpg
http://www.al9da.net/mrta7/mo2/al3odh/al3odh/13.jpg
http://www.al9da.net/mrta7/mo2/al3odh/al3odh/14.jpg
http://www.al9da.net/mrta7/mo2/al3odh/al3odh/15.jpg
http://www.al9da.net/mrta7/mo2/al3odh/al3odh/16.jpg
http://www.al9da.net/mrta7/mo2/al3odh/al3odh/18.jpg
http://www.al9da.net/mrta7/mo2/al3odh/al3odh/19.jpg
http://www.al9da.net/mrta7/mo2/al3odh/al3odh/20.jpg
عقب العشاء شربنا الشاهي ولعب بلوت الين الساعه 2 ،، راحو يرقدون وجلست انا ومتعب نتسامر عند الضو <-- متعوب عليها نتسامر ،،، الين الفجر وعقبها نمنا
http://www.al9da.net/mrta7/mo2/al3odh/al3odh/21.jpg
وقمنا على اذان الظهر وبدينا في تقطيع الكبدة واللحم عشان الغدى ( غدى وفطور مع بعض )
http://www.al9da.net/mrta7/mo2/al3odh/al3odh/22.jpg
http://www.al9da.net/mrta7/mo2/al3odh/al3odh/23.jpg
http://www.al9da.net/mrta7/mo2/al3odh/al3odh/24.jpg
http://www.al9da.net/mrta7/mo2/al3odh/al3odh/25.jpg
http://www.al9da.net/mrta7/mo2/al3odh/al3odh/26.jpg
http://www.al9da.net/mrta7/mo2/al3odh/al3odh/27.jpg
http://www.al9da.net/mrta7/mo2/al3odh/al3odh/28.jpg
وعقب الغدى مرينا البقالة ( التموينات ) نشتري بعض الاغراض ،، بطارية للكاميرة
والمغرب جلسنا بعد نسولف وسيرو علينا اشخاص عزيزين على قليبي ،، وجلسنا الين العشاء وعقب العشاء قام الشقردية متعب وعبدالله يضبطون المندي ،، بس للاسف ماصورت كثير لان البطارية خلصت وصورت صورة وحدة
http://www.al9da.net/mrta7/mo2/al3odh/al3odh/31.jpg
فية صحن ثاني بس ما امداها توصلني ههههههههههههههه
بالنسبة للتكلفة حقت الرحلة :
عددنا 6 اشخاص على كل شخص 104 ريال ، شووية مررة على الوناسهـ اللي استمتعنا فيها :)
اشكر كل من ساعدني في التصوير وصور بعض الصور واشكر ايضاً اللي قام برفع الصور
نصائح لطلعات مثل ذي :
1) اذا كنت عجاز اطلع مع ناس شقردية مثل عبدالله ومتعب
2) اذا منتب عجاز خذني معك
3) اذا طلعت مثل ها الطلعات ليه ماتأخذ معك كاميرة توسع صدورنا
4) لا يهمونك اذا قالوا لك يا الفلبيني ،، لان اذا شافوا الصور يبي يستانسون <-- واثق الاخ
5) الطلعات مع كبار السن لها فايدة كبيرة ما راح تعلم بها الا اذا طلعت لحالكـ <--- مجرب
في اي طلعه لازم يصير معكم واحد مخة فاصل مثل نواف ،، طاح في كلمه مدري من وين جابه ،، تلقى ينهزم في البلوت كل اليوم ثم اذا قلت له يا مهزوم ،، يقول كلامك مردودن عليك <-- ترى هو كذا يقولها ههههههههههههههههههههههههه ههههههههههههههههههه
بعدين اذا جلست في الخيمة لازم القى جمبي حصاة من حصيانة اللي مجمعها وفي الاخير نساها في شنطة السيارة <-- والله ذا الولد فاهي
بس ازين شيء فيه انه جايب نظارات شمسية تركب علي <-- يلمح هههههههههه
النظارات حقتة مرت علينا كلنا وصورنا اشكالنا فيها ،، وفي اخر الرحلة انكسرت ههههههههههههههههههههههههه ههههههههههههههههههههههههه ههههههههههههههه
اما انس ،، هذا الانسان اكبر عجاز تصدقون انه اعجز مني
اما سلطان والله شغيل الولد ،، بس مشكلتة يعصب هههههههههههههههه <--- ترى باغي يطقني :)
شطحة غبيه بقووة :
تعرفون غسال البيالات اللي يحطون فيه موية عشان تغسل البيالة بدون ماتقووم ،، المهم صار عليها تحدي ،، قال واحد اللي بيشربها بأعطية 5000 الالف ريال ،، جاء واحد والله ويشرب نصها واوجعه بطنة ولاقد يكمل <-- بس ياهو وصخ يوم انه يشربها الله يهدية ههههههههههههه
حكمة مني <-- ياخطير انت
الطلعات بدون تخطيط احلى بكثير من اللي بتخطيط
نسيت شيء ،، ترى اطلب حقين القطة سلف مية ريال <-- وشلون تجي ذي مدري ههههههههههههههههههههههههه هههههههههههه
اعذروني كاني نسيت شيء ترى مع البرد معد اركز
مع السلامة
اتمنى عدم وضع التواقيع عشان يخفف الموضوع
