والمرجله ماهي سواليـف وأقـوال
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
لشعـر وقـت وللمهمـات رجـال=ولا فيه طيب بدون فعـل وخسـاره
والمرجله ماهي سواليـف وأقـوال=تبيلهـا رجـل(ن)طـوال شـبـاره
لو أنها بالهـرج مـن دون الفعـال=كـل (ن)تعلـى بالمجالـس وقـاره
ولاصار فيه أنذال ورخوم وأبطـال=ولا شب راع الطيب لطيـب نـاره
ولولا الظروف وقسوة الوقت لامال=ماصار بـه طيبـآ تقـادح شـراره
واللي يبي يحتـال بالهـرج يحتـال=ويجيبها في طـرق مـزح وعيـاره
واللي مابين النـاس بالهـرج نقـال=عسا هـدف نفسـه يسبـب دمـاره
وراع الكبـر لعـل واديـه ماسـال=وعساه من كبـوه بجـرف وخبـاره
والشعر ماهـو لرجاجيـل مكيـال=لو قال به راعيـه أجمـل أعبـاره
قال الشعر حريـم وعفـون ونـذال=وتضرب به المثـال نـوره وسـاره
وأصل الردي ماترفعه كثرت المـال=يبقى ردي لو صار راعـي تجـاره
والطيب اللي ماشكا عثـرت الحـال=وفعل كرم ظيفـه وربعـه وجـاره
حتى ولو جيبه فـرغ مابـه ريـال=يعجـز لسانـه مانطـق باعتـذاره
والسر صندوق(ن) محفـظ بالقفـال=ومفتاحه لسـان الرجـل ونتشـاره
والسالفه لا صارت عنـاد وجـدال=فيهـا تبيـن لـك رمـوز الحقـاره
ومدح الرجل نفسه سماجه مع خبال=مدحه من اللـي ياصلونـه زيـاره
والا ان بغينا نقـول والحـق ينقـال=ومنزعل يضرب بالجما ضلع قـاره
قلنا وفينـا القـول مثبـت ولا زال=من فعـل مـن حنـا بقينـا بـداره
اللي عسا له جنـة الخلـد منـزال=معتق ليا جا الصدق طبعـت قـراره
قول فعل وشعـار بقـت للاجيـال=ماهـي علومـآ توهـا مستـعـاره
ماهي سوالف راعي القيل و القـال=اللي كلا عقب الرخيـف الكـراره
ومن باتجارب مـر بسنيـن أطـوال=وذاق الحلا بالتجـر بـه والمـراره
يفرق عن اللي عاش في فئ وظلال=اللي لنوم الظهـر صـك الستـاره
وجبر البشر ترضا بماجبـه الفـال=والرزق عند الله وصعـب أحتكـاره
وكل (ن)يحاسب عن ذنوبه والاعمال=ماعن حسـاب الله مفـر وشطـاره
ورجل(ن)لصعبات المهمات حـلال=لو بات ليله جـوع وكمـل نهـاره
يموت مايمشي مـع النـاس سـوال=ورزقه على اللي كل هالكـون داره
ورجل(ن)ضعيف ولاقدر يستر الحال=والفقـر مامشـاه درب الـطـراره
حتى لو أنه ماملـك مـال وعيـال=يعيش في قـدرن رفيـع وطهـاره
وأمارتـآ منزالهـا يضيـق الـبـال=والجوع بانآ فـي طرفهـا جـداره
العيـش فيهـا فقـر وهمـوم وذلال=وخيـر منهـا تجارت(ن)بالنجـاره
والحمل يبرك له رجاجيـل وجمـال=والحـر حـر ويكتفـي بالاشـاره
وقد قالها ضيدان في ضرب المثـال=بشت الغنـاه ولا بشـوت الامـاره [/poem]
