بعد غيـــاب قصيدة ( عتيبـــة الهيلا )
أخواني أخواتي اعضــاء منتدى غرابيل اهديكم هذه القصيدة بعد غياب عن المنتدى وهي ردّ على أحد الزملاء عندما طلب مني بيتين مدح في قبيلة عتيبة وإرسالها له عبر الجوال ...
لن اخوض في غمار القضية ولعل القصيدة تفي بالغرض .. !
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللي تبي مني رساله علشان=تخّزن الموضوع في وسط فايل
اسمح لي أقديك والا أنت غلطان=مدح القبيلة مايجي بالرسايل
بالذات لاقالوا لك الناس عتبان=لطامة العايل اليا جاك عايل
خاضوا على ظهور الرمك كل ميدان=قومٍ لهم تاريخ مجد وفعايل
وأن كان تبغى للمواقيف برهان=ابشر وانا عندي عليها دلايل
أمجادهم في صفحة المجد عنوان=تشهد لهم بالطيب كل القبايل
عتيبة الهيلا اليا ثار دخان=في المعركة سووا بطين وهوايل
بدهم الفرنج اللي لها بالوغى شأن=حدب السيوف معدّلة كل مايل
وأن صاح صيّاح الضحى والخطر بان=فزوا على قبّ المهار الأصايل
واستدرجوا في المعركة كل شيطان=لو حاول الفكة بشتى الوسايل
عدوهم من بطشهم راح بلشان=واليا سلم بالحرب نومه ملايل
اقولها والصدق مافيه نكران=طالوا هل الطولات في كل طايل
دخيلهم يبطي على عزّ وأمان=يروح طلاّبة يسوق الرحايل
قولٍ مثبّت وأشهدوا فيه شيخان=ماهي شهادة ناقضات الجدايل
يوم إنها بالطيب رابح وخسران=وقتٍ مضى وقت الرجال الأوايل
ترى العتيبي في المواقيف كسبان=هذا الصحيح ودونه الشك زايل
ومدح القبيلة صار في كل ديوان=سمعتها بإذني ولا قال قايل
وحنا كفو للمدح من غير نقصان=من غير لانظلم حقوق القبايل
كلٍ معه تاريخ من ماض الأزمان=سلايل الأبطال ترّث سلايل
هذي حقيقة والحقايق لها شأن=مدح القبيلة مايجي بالرسايل
بالذات لاقالوا لك الناس عتبان=لطامة العايل اليا جاك عايل[/poem]
فيصل العتيبي
