سوق القصايد مهتــــري ،،،،
السلام عليكم ورحمة الله وبركاته
أبيات مجاراة لقصيدة معلمتنا الرائعه أمل عبدالعزيز الفكاهيه طاقيتي زري زري
وهي فكاهيه في ظاهرها ولكن تحمل رساله عن مايدور في الساحه الشعبيه ومانشاهده من امتهان للشعر عبر القنوات التلفزيونيه ومانقرأه أيضاً في النت والشعر بعد تلك البرامج المساهمة في ضياع الشعر في كثير من أمورها زاد الحال عن ماكان عليه , فكنا من قبل نقرأ في المجلات والجرايد ويالله نقبل ببعضها واليوم حتى في النوم ترى الشعراء أو المدعين الشعر يزعجون مشاعرنا وآذاننا بالنشاز ويرون أنهم شعراء والشعر والله منهم بريء وأنا اليوم سأرثي بهذه الأحرف كثير من مشاعرنا واعيننا والتى قرأت ونالها التعب مما قرأت وسمعت من خرابيط يسميها اصحابها شعر وهي لعمرالله ليست بشعر بل شخابيط تذكرني بنانسي واغنيتها شخبط شخابيط لخبط لخابيط مسك الالوان وكتب عالحيط
يقال ان المنخّل اليشكري هو أول من قال الشعر العربي ولو درى اليشكري عن حال الشعر الحين في معظمه كان استخار وشاف له شغله غيره
بعد هالمقدمه :
أترككم مع النص الباكي / الشاكي / الضاحِك على مايجري هنا وهناك وفي كل مكان
[poem=font="Simplified Arabic,6,black,normal,normal" bkcolor="transparent" bkimage="backgrounds/13.gif" border="ridge,4,black" type=0 line=0 align=center use=ex num="0,black"]
من يوم فكّ اليشكري=باب القصايد حينها
والخلق تفريها فري=في كل يوم تهينها
نجّار يتبع سمكري=واستسهلوا تعجينها
وسبّاك يلحق بنشري=هارينها ومشقينها
واسلاك كهرب تعتري=مافيه أمل تكسينها
ومن بعدها جتنا تري=بالقربعه حاشينها
سوق القصايد مهتري=يابانها مع صينها
والشعر من هذا بري=لو ساحته معمينها
والكلّ شاعر فنجري=ملقوفها ومسكينها
واحلى المشاعر تنبري=أو تنتظر سكّينها
يام الكلام السكّري=برحيّتك وش طينها ؟
هلّي الجواهر وانثري=والحكم في تثمينها
جمهورك اللي يحتري=قبلينها وبعدينها
والكلّ يبغا يشتري=قارينها قارينها
ماهي سوالف تنقري=أو سالفه حاكينها
بالله عيدي وكركري=ضحكتك لاترخينها
زيدي بعدها وكرّري=تكفين لاتنهينها
ولو كان فيه اليشكري=كان انصرع في حينها[/poem]
تحيتي للكل
