صباح الخير للجميع ..
إلى كل من شرب الشعر وتذوّقه ,, إلى كل من تنفس الشعر واستنشقه ..
هذه القصيده المختارة لكم ياأحبائي هي من ضمن إرشيفي المليئ بالغبار الناتج من تقلبات القلوب في هذه الدنيا ..
أرجو من جميع القراء قرائتها عن عمق , والإبحار فيها إلى ساحل لم نراه حتى الآن !!
.
[poem=font="Simplified Arabic,5,black,normal,normal" bkcolor="transparent" bkimage="" border="double,3,black" type=1 line=0 align=center use=sp num="0,black"]
هذا آخر التعذيب وإلا ياعذابي أوله=شوفي بعينك , كيف نفسي من فراقك تحتضر
خلّيت خلٍ قد طواه الياس والوقت خذله=لاللوم ينفع والزمن طبعه تعوّد عالغدر
ياضيمٍ إجتاح الضلوع وخان قلبي وقتله=قبل الشروق بنصق ساعه ,, حي طعنات الفجر
من كثر ماحبّه رماني في سراب الأخيله=حسبي عليه إن كان كل طعون كفّه بالظهر
تعبت أجامل بالطعون اللي بصدري منزله=من العيون اللي عليها صورتي وسط القبر
أهدابها طابور (زوبع) معه (الأسلم) وقبله=عيال (عبده) و<الجنازة> راعي البوش العفر
كن الجيوش اللي غزتني من عيونه له صله=بالبحر , والحظ الردي , والسيف , والموت الحمر
إن جيت أقابلها كأن العقل بيدي أحمله=مجنوووون في [حرب الصريف] وموت مامنّه مفر
موتٍ محقق بس ربّي زادني فيه جهله=ونا أحمد الله كل ماصلّيت في صبح وعصر
الشعر برهن لي عن العالم سمات وأمثله=والناس تسعى بالمصالح إلا ماقلّ وندر
نافق ,, وتمشي بالحياة الماضية والمقبله=وجامل ,, تعيش بكون والينه ملاعين البشر
إما كذا .. وإلا بلاش من الحكي والبلبله=وإن ماعجبك الكون معنا .. إسكن بسطح القمر
اللللللللللله من كونٍ توسّخ من يدين الأفيله=اللي تربّت بالشحاذه منذُ أوقات الصغر
الله يكافينا شرور العالم المتحوله=اللي ليا خزّيتها تنظر من الخيبه حدر
كلٍ غرق بهمومه اللي عن حياته تشغله=وأنا شبعت من الهموم اللي مسخّرها القدر
في داخلي طفلٍ يتيم وفي عيونه أسئله=عيّا يجاوبه الزمن , ثم زاد في همّه كدر
همٍ ربا بين الحنايا والقصيد يدلّله=كن الريايا تحتها محفوفتين من الجمر
يكوي معاليقي وأهدّي ثورتي واستحمله؟=إلى متى والهم يشرب من عروقي له شهر !!
الهم فاجر , والضلوع العوج صارت منزله=والحمد لله يوم همّي بالحنايا استقر
منزل مبارك يابعد حي القصيد وأجمله=عليك هو بالعافيه تدمره وإلا تنتحر
أنا من اللي مرسلك ياهم صرت أستثقله=غصب ٍ على وإلا ليا جاء الحديث المختصر
أسج لجله وإن غفى بالي على الخل ودله=يزداد شوقي ثم أمل من المسافه والصبر
الشمع ملّ ولا ألومه كثر ماآنا أشعله=وأطفيه من خلٍ ذبحني بالمواصل والسهر
أشتاااااق له شوق اليتيم اللي طرى فباله هله=واغص في لقمة حزن وأشرب من كفوفي قهر
جيته على نفح القصيد بشوق , ودموع , ووله=وجاني كما عودٍ وقلبه من صلافيح الحجر
ياهم بآقول الحقيقة هاك عذري واقبله=واللي زعل ياهم قلّه يشرب مياه البحر
كل الحقيقه من عرفته والأمووووور مبهذله؟=لاني مع العالم ,, ولاهو حاسب لوزني قدر!
وكلٍ يقول إن الهوى في حدّ ذاته مشكله؟= وأنا أقول إن الهوى نعمه وتجزى بالشكر![/poem]
