كله عشانك يانجمة العسكرية
السلااام عليكم
شدوا لي حيلكم تكفون في القراءة لان الكلام اللي باقوله من واقع تجربة محضة وركزوا زين
وليكن بيديك زقارة والغرفة معجعجة لان كل ماتكون العجة اكثر كل مابتستفيد <<< حملة مكافحة المعسل والجراك :مزون:
اما بعدين ياطويلين الاذان :
وانا طفل الهو والعب بسيكلي ابو كفر واحد كنت احلم اني اصير عسكري <<<مو منك من البسطار اللي تحسه براسك :مزون:
وكنت انشب لامي اذا نزلنا السوق الا تشتريلي بدلة عسكرية وكانت عندي جميع انواع البدل المرقطة والجيشي والسادة وعلى كتفي كنوز ( تاج ومقص ونجوم وقمر ) <<< كذا الطموح ولابلاش
بعدما تخرجت من الجامعة <<< يلعن ابو النقزة :مزون:
رحت لوزارة الداخلية من اجل خدمة الاسلام ورفع راية الوطن ( كلمتين للتمويه ):مزون:
واخر مافكر فيه الراتب طبعا المهم حددوا لي موعد للمقابلة الشخصية والفحص الطبي
ورحت بعدها اسوي رياضة منشان اجتاز الفحص الطبي بكل نجاح صرت ألعب كرة طائرة ..وكرة سلة ..و نط الحبل وتعلمت رياضة مهمة بتفيدني في حياتي العسكرية اذا انشالله قبلوني الا وهي لعبة البلوت :مزون:
وعلى حسب الموعد باثانية ( متعسكر قبل يدخل :مزون: ) رحت وركبونا الباص الساعة 11 ونص واحنا بعز اغسطس :11eatdrop ..الواحد صارت تحته بركة من العرق والبعض استغل الفرصة وتعيجز يروح دورة المياة وأنتم بكرامة .ومشاها مع العرق ( ولا من متى صار العرق لونه اصفر :مزون: ) ووزعونا على صالات وقاعات انتظار المقابلة الشخصية
وينادون على دوري في المقابلة.وأدخل على اثنين ما عرف وش رتبهم بالضبط .وقدامهم ملف يناظرون فيه أنا شفتهم ..ساعتها طاح قلبي زيادة فوق ما هو طايح ..و ما قعدت الا بقيت واقف من باب الهيبة لهم أن واحد منهم يقول استرح ولا أجلس ابدا ما تقول مقدم على على كلية عسكرية الا كني طرار في أول شهر رمضان .
الضابط الأول: أنت محمد ....اللي اسمك هنا ولا لا؟
أنا: طال عمرك ( ما تقردنهم الا بطال عمرك والله يسلمك ويخليك ) أنا محمد تآمرني بشي
الضابط : طيب بلا كثرة هرجة وتفلسف ماله داعي,, الا أنت سعودي أصلي يا ميدو .
أنا: أي نعم سعودي أصلي مواليد مستشفى جرول وعلي ختم الجودة ...
الضابط الثاني: أنت فاهم سؤالي زين يا ميدو ولا لا هل أنت سعودي أصلي وهل والديك سعوديين أصليين ..يعني أبوك سعودي أصلي ولا تعتقد هاااه قل الصدق .
انا: مو بس انت اللي من يشوفني يقولي ياللبناني كل الناس واللي مصدق اني سعودي يقولي خوالك من آل بن وهبي :مزون:<<<< الا على فكرة شفتوا مزاين اللبنانين :مزون:
الضابط الأول: ركز يا نفر الضابط يسئلك أنت متأكد أن امك سعودية أصلي ولا تعتقد هالشي
وقتها شكيت باصلي تذكرت يوم قبل سنة يوم على العشاء ابوي على باله يستخف دمه ويقول بدي اتعشى جبنية وزطون وشوية كبة ..والله ما يندرى عنه أخاف ذاك اليوم رجع لأصله . . واقول والله يا طويل العمر انشالله أنها سعودية حتى من زود السعودة صورتها في الجواز بشماغ...<<< سعودية اصلي مو تايوان
الضابط الأول: طيب ياميدو اوكيه طلعت مسلم وسعودي اصلي .الحين بنسألك شوية اسئلة؟؟
..الا قول لي ياميدو ليه تبي تدخل القطاع العسكري ليه مارحت للشركات زي معظم الشباب اللي في تخصصك ؟
أنا: والله طال عمرك من أجل خدمة هذا الوطن المعطاء ورفع رايته خفاقة وحمايته من كل الشرور والتصدي للأعداء والحاقدين ( موضوع تعبير كتبته أيام خامس ابتادئي خذيت عليه 9 من عشرة ) غير كذا طال عمرك العسكرية اذا تخرجت بكرة ما أحد يقول لك دور على وظيفة واقلب وجهك مو مثل التيس اجلس دور على أحد يضفك ..وتلقى خريج علوم أدارية مقضبينه استعلامات في شركة وطنية يالله سعودة ..حكي من ابو بلاش ...
الضابط الثاني: طيب ياميدو راح نسألك شوية أسئلة ونبيك تجاوب بصراحة ؟؟ وش علاقتك بالسياسة وش الصحف اللي تحرص على أنك تقراها ؟
أنا: بصراحة طال عمرك أنا مع أن ثقافتي عالية بس بيني وبين القراية عداء يعني ..نادرا ما اقرى بس قسما بالله أني ماقرى الا الصفحات الرياضية وأحيانا الكاريكاتير ..بس في المناسبات الوطنية أقرى الصفحات الاولى العناوين بس ..
الضابط الأول: متأكد بس هذا اللي تقراه. قل الصدق لا تكذب .
أناك بصراحة بصراحة اقرى مجلة ماجد ومجلة باسم ...وشوية شخاميط على الجدران
الضابط الثاني : متاكد 100%
انا : كمان مجلة بلاي بوي بس كم عدد مو كثير يعني من العدد 1411-1534 وبعدين من 2406 – 2600 والعدد السنوي الخاص بانتخاب ملكة جمال الشواطىء الأمريكية بس :مزون:..والله على ما اقول شهيد
الضابط الاول: وش رايك في قيادة المراة للسيارة ؟
انا: اللي تشوفه طال عمرك :11oto:
الضابط: ابي وجهة نظرك ؟
انا: والله اذا بتعينوني في المرور فهي بتسوق يعني بتسوق وانا من المؤيدين والأعلام علي
وعليهم يولعون في الكفرات ونسوي مظاهرة واذا بتحطوني في مكافحة المخدرات فانا من المؤيدين لها بالتعاطي :مزون:
الضابط: محمد كيفك وكيف الخرابيط معك ..تدخن تشرب راعي بنات ..اعترف.
أنا : لا راعي أولاد .. :مزون: قصدي كل ربعي أولاد ولا أروح للبحرين الا علشان اشوف سينما ,, ولو تفتحون سينما هنا ماعد اطب الجسر واقطع معها الشرقية ..
الضابط : انتهت المقابلة تفضل ورنا مقفاك <<< بديت اشك في نفسي :مزون:
رحت لبيتنا نسيت المقابلة علشان ما يجيني ارق وقعدت أكمل تماريني وأبشركم قدرت اسوي ضغطتين قبل لا تشرق شمس اليوم التالي ومن صبيحة اليوم التالي رحت لمقر الاختبار الطبي وعبيت الاستمارة ورحت لدكتور ياحليله يسئلني أنت بتدخن قلت له لا قال تحشش قلت له حسب الظروف ..وسئلني عن وزني واذا عندي أمراض معدية ..كنت احسب كل المسألة زي هالدكتور بس المحطة الثانية شفت واحد يقول افصخ ثوبك وفنيلتك وافصخ ( بيني وبينكم احد أجمل هواياتي هي الفصخ :مزون: ) ويسوي لي فحص على صدري ويقول لي كح وأرد عليه بكل عفوية بس مافيني كحة يا دكتور.. وهو يبني بئولك ايه كح يابني مابلاش غلبة ...والله يا دكتور لو فيني كحة يعني تتوقع باقصر ، من دواعي سروري أكح في وجهك :مزون:...وهو يقنع فيني وبعدين معاك يا بني حتكح ولا ايه وبعد جهد جهيد واقناع عطست في وجهة ..المهم ما علينا ..بعد كذا انتقلت الى محطة اخرى بس مدري وين راحت فنيلتي ..ووقفوني جنب مسطرة بيقيسون طولي وانا اتعدى حاجز الطول ب23 سم :11oto:
وبعدها انتقلت مرحلة استحي اقولكم وش سوو فيها :اوبس: عند دكتور هندي لابس قفازات لكن باختصار يسوون مثل حركات عيال منفوحة :مزون:<<< لحد يسوي نفسه ملكع ويقولي وش دراك بعيال منفوحة :11sted_re !!
وبعدها طلعت من الكلية انتظر اسامي المقبولين واوصل تمارين اللياقة والسربتة لانها احد متطلبات العسكرية وبعد يومين طلع اسمي من المقبولين وباختصر عليكم المشوار لكن ساتوقف عند معاناة من ضمن معاناتي بالكلية بعد الانخراط في هذا السلك
وهي الادمــــــــــــــــــــ ـــان :11ctor:
صرت مدمن واذا انقطعت تبدا علي اعراض انسحابية وسخونة وحكة في الجلد وصداع بالراس
وكل ماروح لمسجد الكلية ارتاح واهيص من ريحة الشراريب :هاها:
بصراحة صرت متعود على هذي الريحة وماقدر اصبر عنها لدرجة الادمان
مثل ريحة ثانويات البنات :مزون: ريحة شمس + شراريب :زعلان:
كنت متضايق في البداية من هذا الموضوع لكن الحمد لله تجاوزنا هذي المرحلة ووصلنا الى مراحل متقدمة ...وعقبال التخرج بعد كم شهر
كما عودناكم في اخر سطر تم التعديل بواسطة ندى الخروف التي لاغنى لنا عنها :مزون:
اعذب تحية
