[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اللتحف بك عن قساة البرد ولقيتك صقيـع=واستظلك عن شعاع الشمس ولقيتك جمـر
ليه قلبك يا أنانـي عقـب ماتشـري تبيـع=وليه هانت ذكريات الحب وأحـلام العمـر
نفسي أعرف مين غير صاحب البال الوسيع=ليه ما يسأل علامـه فـي غيابـه مستمـر
ليه ما ينطق يبرر صاحب السحـر البديـع=له ثلاث أيام غايب عن عيونـي مـا يمـر
من يصدق حبنـا عقديـن بالآخـر يضيـع=من يصدق بالليالي البيض ويغيـب القمـر
من يصدق أم تذبح ابنها الطفـل الرضيـع=من يصدق جمرنا في وقـت يتغـر تمـر
ما ذكرني ناسي المعروف نكـار الصنيـع=أمنياته كـان يطلبهـا وانـا اجنيهـا ثمـر
من غلاته كان لـه بالقلـب مقـدارٍ رفيـع=كان يآمرني وينهاني وانـا تحـت الامـر
ليتهم ما بلغونـي بالخبـر وقـت الربيـع=ليتهم ما بلغوني كـان حالـي مـا ضمـر
يوم قالوا لي نصيبه جاه واخبـاره تشيـع=مير بارك له ودمعي من على خدي انهمـر
الله اقوى ذابت احلامي مثل شمعـه تميـع=والخطوبة دام تموهـا بعـد أدهـا وأمـر
شمتت فيني العواذل عقبهـا وانـا صريـع=حسبي الله ع العواذل كيف عدو لي الزمر
ياحسافه كيف شفته حلم في عمري فظيـع=ليت طيفـه يـوم روح مايجينـي بالسمـر
ضاعت أحلامي بلحظة يأس قدام الجميـع=مابنيته فى سنيـن العمـر فجـأه واندمـر[/poem]
