حد المغفرة (القلب العاصي)
السلم عليكم ورحمة الله وبركاته من القلب إلى القلب بدون مقدمات
حد المغفرة
[poem=font="Simplified Arabic,6,black,normal,normal" bkcolor="transparent" bkimage="backgrounds/7.gif" border="inset,2,black" type=2 line=0 align=center use=ex num="0,black"]
ليه لا ناديت قلبي قلت ما ودّك نتوب = ما يجاوبني وكنّه لادعيته قلب صخره
هو سجن نفسه بنفسه في مغارات الذنوب = والمسافه بين حد المغفره والذنب شعره
للمعاصي ألف باب من الشمال إلى الجنوب = وكل ما ردّيت واحد يفتح الشيطان عشره
مغريات الوقت صابت خافقي من كل صوب = ودايم اللهم فغفر ما صنعت بجهل عذره
لامتى ياقلب غافل ما تنبّهك الخطوب = كنّ مال الحق صوت وكنّ مال الموت سكره
لا متى هذا التبلّد لا متى هذا الهروب = لامتى ننزف معاصي لا متى بنقول بكره
ياهوى نفسي كفايه كل ما فيني يذوب = احترقت بنار ذنبي لو حسبنا الذنب جمره
للسعاده درب واحد وللخطا عندك دروب = ومن عرف درب السعاده يشرح الرحمن صدره
أسأل الله العظيم الفرد علّام الغيوب = مايواخذني بضعفي وما يحاسبني بمكره
يهدي النفس الضعيفه قبل تشرق من غروب = قبل ماروحي تغرغروانتهي في حضن حفره[/poem]
