يقولون لي مادمت شاعر قوي القاف = أجل وش ورى ماتشارك بشاعر المليون ؟!
[poem=font="MS Dialog,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
يقولون لي مادمت شاعر قوي القاف = أجل وش ورى ماتشارك بشاعر المليون ؟!
أكيد إنْ شعرك مايجمِّل أو إنت إتخاف = من مناطح فحولٍ يحطّون فيك جنون
وأنا قول كان بوسطكم واحدٍ عرَّاف = أبي منه يسمعني ترى الاستماع فنون
أنا لي تحفظ والحقايق تبي تنشاف = وتجي لحظةٍ لابد يظهر بها المكنون
اذا الشعر ماكان الهدف فالهدف ينعاف = كذا علِّمتني مدرسة شعري الموزون
اذا مايكون الشاعر بنفسه الهداف = فلابارك الله بالمكاسب ومايجنون
أنا بالشعر ماأقول أنا كامل الأوصاف = ولاأقول بفحول الشعر عيبةٍ أودون
ترى من أقل العدل وايضا من الإنصاف = تقول الحقيقة لو بعض ناس مايرضون
كثير الفطاحل بالشعر ماعليه خْلاف = وكم شاعرٍ شعره بلا ملح أومضمون
وترى كل شخصٍ له قراره وهو شوَّاف = يشوف الدروب وكل دربٍ عليه ظنون
ومدام إنها عندي فأنا أقول دون إرجاف = حرام الشعر يصبح هو الخاسر المديون
أنا مااقبل الفزعة على الشعر يالعراف = اذا مايفوٍّزني قصيدي فأنا مغبون
ماهي بالنخاوي يرفع البيرق الرفراف = ولا بالحميا والشحاذة وحب ذقون
إذا المسألة لعبة رسايل مع استعطاف = أجل كيف يصدق حكمنا كانكم تفتون
ترى المسألة أقرب من الشعر للإسفاف = وترى الناس ملّت والشعر ميزته بالهون [/poem]
