ابن هندي والدوحه ،،

[align=center]السلام عليكم ورحمة الله وبركاته

هذي قصيده تعبر عن نفسها ،،


واتمنى ان تحوز رضآء الجميع ،،[/align]


[poem=font="Simplified Arabic,4,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

آه يا شيٍ فـي قلبـي مـا قـدرت ابوحـه=حدّني حتي قلـب حالـي وجبـت اقصايـه
شاح فكري شوحةٍ يـا قوّها مـن شوحـه=علمتني كيـف اعـدل درب فكـري التايـه
قـال يـا ظافـر مـع الله سوقهـا للدوحـه=خل عينـك ترتـوي مـن عينـه الجرّايـه
لى متى وانتـه اتْصبّـر كبـدك المفلوحـه=حط للاشـواق يـا شـوق الهنـوف انهايـه
يسعـد الله لـي غـرام الجـادل المملوحـه=جادلٍ حطت ف قلب اللـي هواهـا احكايـه
حيّ ذاك اليوم يوم انهـا استحلّـت روحـه=وركزت في وسط معلوق الضمايـر رايـه
حَبّها مـن غيـر مـا تعلـم وزاد جروحـه=وانبـرآ حالـه بـري الاقـلام فالبـرّايـه
كـل مـا زاد الغـلا زوّد سهـره ونوحـه=وكل مـا زاد الولـه يعـزف زمانـه نايـه
كاتـمٍ حبـه بنفـسٍ ماهـي ابمفضـوحـه=لين بيّن لـي لطيـف الـروح فينـي رايـه
قال تهواني ؟؟ وقلت اقرا بعـرض اللوحـه=ايـه احبـك يـا هـواي وغايتـي ومنايـه
والله ان حبـك بقلبـي عاليـات صروحـه=بانيٍ لك بالحشى تسـعين الف إبنايـه
امش بي يا بعد روحي ف ارضك المسطوحه=والله وعهـدٍ علـيّ مـا يختلـف ممشـايـه
وطير بي يا نجمي اللي ساطعٍ بي ضوحـه=بتأمـل بـك واحـط ايـديّ فـي مخبـايـه
دام نفسـي مستريحـه لنفسـك المشروحـه=بندمج في مسرحـك !! لا تسكّـر البردايـه
لي مع شفاتك وعنقـك امسيـه واصبوحـه=رعشـة اللّـذه قصيـدي ،، والدفـآ معنـايـه
وافهق بيسراك قذلـة شعـرك المطروحـه=لجل احدد فـي بحـر ذاك الحـلا مرسايـه
وفي يمينك ضمّنـي يـا ناظـري وشبوحـه=بـتـذوّق سـكّـرك واذوّبــه بشـفـايـه
خلّنـي ويّـاك مثـل الصفحـه المفتوحـه=وفوضـة انفاسـك وانـا ،، كتّـابـةٍ قـرّايـه
واعتبرهـا يـا حبيبـي زلــةٍ مدمـوحـه=وخلّهـا لسكـة مشاويـر الغـرام ادعايـه [/poem]

[align=center]وسلامتكم [/align]

اخي العزيز ابن هندي
ها انا اقف حائر امام ابداع اخر تعجز حروفي عن التعبير عن روعتها

صح لساانك ويسلموو ايديك عالقصيدة الروعه وننتظر منك الاروع دائماً

وتقبل تحياتي واعجابي

قال تهواني ؟؟ وقلت اقرا بعـرض اللوحـه
................ ايـه احبـك يـا هـواي وغايتـي ومنايـه
والله ان حبـك بقلبـي عاليـات صروحـه
............... بانيٍ لـك بالحشـى تسعيـن الـف إبنايـه

الله ... الله .... الله

صح لسانك يا بن هندي

من أروع ما قرأت هنا ...

قصيدة .. بل درة جميلة ... نحتفل بها ...

أطربتنا يا ابن هندي ... بأبيات لا أستطيع وصف روعتها ...

سلمت يمينك على هذا الإبداع ...

تحياتي

سهم المنايا

وطير بي يا نجمي اللي ساطعٍ بي ضوحـه
بتأمـل بـك واحـط ايـديّ فـي مخبـايـه
دام نفسـي مستريحـه لنفسـك المشروحـه
بندمج في مسرحـك !! لا تسكّـر البردايـه
لي مع شفاتك وعنقـك امسيـه واصبوحـه
رعشة اللّـذه قصيـدي ،، والدفـآ معنايـه
وافهق بيسراك قذلـة شعـرك المطروحـه
لجل احدد فـي بحـر ذاك الحـلا مرسايـه
وفي يمينك ضمّنـي يـا ناظـري وشبوحـه
بـتـذوّق سـكّـرك واذوّبــه بشـفـايـه
خلّنـي ويّـاك مثـل الصفحـه المفتوحـه
وفوضـة انفاسـك وانـا ،، كتّابـةٍ قرّايـه



الله الله الله


مبدع يابو سعود


صح السانك

تقبل تحياتي

الله الله الله


ضاعت كل الحروف امام هذه الشامخه

شاعر لا ينتظر منا الثناء بقدر ما ننتظر منه العطاء


ابن هندي شاعر اصبحنا ننتظر كل جديد له لنبحر في عالم القوافي الرااائعه


مبدع مبدع الى آخر مدى الابداع


كم نحن محظوظين بتواجدك معنااااا


صححححححححح قلبك ملااايييين

والله ان حبـك بقلبـي عاليـات صروحـه
............... بانيٍ لـك بالحشـى تسعيـن الـف إبنايـه

الله الله يابوسعود

مبدع والله قليله فيك

صح لسااانك وسلم بنااانك يالجزل

ابن هندي

شاعر تضيع مع حروف الثناء والاطراء

قصيدة قليل هو المدح في وصفها

صح لسانك وسلمت اناملك

حســــاسة

وعليكم السلام
صح لسانك ياابن هندي قصيدة جزلة من راس
جزل
تحياتي لك
أخوك
كحل النظــــر

حيّ ذاك اليوم يوم انهـا استحلّـت روحـه
................وركزت في وسط معلوق الضمايـر رايـه
حَبّها مـن غيـر مـا تعلـم وزاد جروحـه
.....................وانبـرآ حالـه بـري الاقـلام فالبـرّايـه
كـل مـا زاد الغـلا زوّد سهـره ونوحـه
....................وكل مـا زاد الولـه يعـزف زمانـه نايـه

ابن هندي قصيده جزله وقويه في بلاغتها ووصفها والخيال الموجود بين ابياتها

قصيده من أروع ما قرئت لك اخي الغالي

وهذا ينبهنا ان مخزونك الشعري افضل بكثير

صح الله لسانك على الجزله ولا عدم راسك

صح لسااااانك يابن هندي

قصيده ولا اروع


لاهنت

بن هندي

صح السانك مليون ، قصيده يعجز عنها الكلام

صححححححححح السانك

يسلمموووووووو ويعطيك العافيه
تحياتي

[align=center]يا مرحبا يا مشاري الحربي


صح الله ابدنك ،، وهذا من ذوقك الراقي

تسلم على المصافحه المشرّفه


تقبل تحياتي



ابن هندي


،،[/align]

[align=center]هلا وغلا بالادرآره واهلها


حيّاك الله يا سهم المنايا


تسلم على الاطراء الوافي والمشرّف

وهذا من ذوقك المميز ،،



صح الله ابدنك ولاهنت على المرور



تقبل تحياتي



ابن هندي [/align]

[align=center]ارحب يبن دحيلان


صح الله ابدنك ولا عليك زود فيمآ قلت


لاهنت على التواصل يالغالي



لك تحياتي ،،


ابن هندي ،



،،[/align]

[align=center]هلآ وغلآ بالشآعره طيف الوله


صح الله ابدنج ولاهنتي


وهذآ دليل على ذوقج الراقي


تسلمين على الاطرآء الطيب



لج تحياتي



ابن هندي [/align]

[align=center]يا مرحبا ومسهلآ يا عشق ليل


صح الله ابدنك ولاهنت ،،


مرورك شرف للقصيده يا غالي


لك تحياتي ،،




ابن هندي

،،[/align]

[align=center]حيّاج الله يا حسّـآسه


لاهنتي على التواصل المشرّف



وسلمتي على الكلمات الراقيه يا راقيه



لج تحياتي



ابن هندي


،،[/align]

[align=center]مرحبا يا كحل النظر


صح الله ابدنك


وما عليك زود


وهذا من ذوقك يالغالي



لك تحياتي



ابن هندي



،،[/align]

[align=center]هلا وغلا بالشاعر ،، عذب الاوهام


صح الله ابدنك ولاهنت يالغالي


اطرائك شهآده للقصيده وتشكر عليه


وان شاء الله اقدّم ما يحوز على رضاك ورضآء الجميع


تقبل تحياتي



ابن هندي [/align]

[align=center]صح الله ابدنك يالسفير


ولاهنت



تسلم على المصافحه



لك تحياتي



ابن هندي[/align]

[align=center]صح الله ابدنك يا جرح الموده


وهذا من ذوقك لا عدمتك



شكرا على المصافحه




ابن هندي



،،[/align]

[align=center]قووت القلوووب


اسعد الله اوقاتج بكل خير


تسلمين على المرور والاطراء الطيب



تقبلي تحياتي



ابن هندي






،،[/align]