ياحمود ضاق الصدر والبال ياحمود
بهذه الابيات التي تعبّر عن مافيها اتمنى ان انال استحسانكم واعجابكم,,,,
ياحمود ضاق الصدر والبال ياحمود [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياحمود ضاق الصدر والبال ياحمود = ياحمود ولّع لـي بـراس الزقـاره
أكوي بها جروحٍ لها عام فـي زود = قامت تزيد وذقت منهـا المـراره
لو قلت لك موجود مانيب موجـود = ياحمود فكـري زايـد الهـم أداره
ياحمود أنا لامن ذعذع هوى النود = قلب العنا فالصـدر تشتـب نـاره
قلبٍ على الشدات ياحمود محـدود = وحـظٍ مـع الايـام زاد انحـداره
ماطق باب الا وهالبـاب مسـدود = ياحمود وقتـي راح كلـه خسـاره
كثرت مشاوير العنا كيف أبا أعود = لاجيت أعدل الحظ غيّـر مسـاره
محدٍ يسلينـي مـع البعـد ياكـود = ذكرى الوليف اللـي بعيـدٍ ديـاره
أسهر على ذكراه والعالـم رقـود = أصحى وأسج احيان تـاره وتـاره
مع شوفته كني هاك اليـوم مولـود = غروٍٍ سلب قلبـي وقطّـع ستـاره
مستقبلي مرهـون بعيونـه السـود = أنا تحت أمـره ورهـن الاشـاره
كنا سوا واليـوم ياحمـود مفقـود = دار الزمن واصدر علينـا قـراره
ياحمود لاذا الحين وش فيك ياحمود = ابك انت ماولّعـت لـي فالزقـاره [/poem]
