^ :: وش ناوي؟؟ وليه انت علي قاسي!! :: ^
مسجااات عتااااب وحزن
غيبتي طالت ولاهمك جفاي
وكنت عايش في امل تسأل علي
من غلاك احسبك عايش في رجاي
وانت ماهمك ولو طال زعلي
انت مالك ذنب هذا من غباي
ناسي واحسبك تتغلى علي
""""""""""
أنا عايش مع العالم وكل الهم في صدري
احاول اخفي دمعي عن اللي يحبوني
اجامل من يكلمني وضحكي كله من قهري
ولا منه خلا جوي هلت دمعة عيوني
انا ماقتل قلبي سوى غالي رحل عني
عطاني الحب بالاول وتالي الامر خلاني
""""""""""
مدري ادين الوقت والا ادينك
ودي اشتكي له مدري اشكيه بعتاب
ودي اطيح من التعب في يدينك
اصبحت اشوف الناس من حولي اغراب
""""""""""
في عز ماكنت محتاجك تخليني
هذا جزاء الطيب والمعروف يالغالي
تدري في قربك تموتني وتحييني
اليوم بالذات تكفى لا تجافيني
محتاجك اكثر واكثر من نظر عيني
الله يعلم وش اللي صاير فيني
ابيك تجمع حطام اللي انهدم فيني
انا دخيلك علي ضاقت احوالي
""""""""""
وش ناوي؟؟ وليه انت علي قاسي!!
كفايه تشعل النيران بقلبي وتجرح احساسي
حسبتك اعز انسان هديتك اعذب الالحان
تحابينا مثل الاخوان
تسامرنا مثل خلان
تزاعلنا وتراضينا
الا هالمره ترى غلطان
طعنت القلب وخليته يعاني نزف والم حرمان
وذوقته العذاب الوان
حسافة فوق كل هذا تجيني
بصورة الولــهان
وبكل بساطة تقول اعذرني ترى
"ندمــــــــان"
""""""""""
انا جيت اعشقك نبض ومشاعر مااعشقك تمثال
اناجيت اسكنك واحياك وابقى فيك وابقى لك
انا جيت استفز رضاك من فرقاك والجا لك
انا ماهمت بك عاقل انا كنت اعشقك بخبال
انا ماكنت احبك حي انا كنت اعشقك هالك
ابي قلبك يحس انه فقد بمحبته انسان
ملكته من هدب عينه وخسرت رضاه بهمالك
صحيح ان الفراق اقسى ولكن الوصال محال
وانا صعب علي ارضي غرورك واضعف قبالك
""""""""""
لاتعذر وتقول ماني بغلطان
عذرك ياروح روحي صار اعتيادي
الله وكيلك مابقى شئ مابان
ميت مشاعر لاحشى منت انسان
ارحل وهاجر وابتعد قدر الامكان
الحب لبسته ثياب الحدادي
" سبحان الذي يغير الناس سبحان"
مغرم عرفتك واتركك حييييل هــــــادي
""""""""""
اناعيني بدت تدمع واشوف الدمع مو عادي
اشوف الدمع لون احمر
واحس القلب يتوجع وانت بطبعك الهادي
وقلبك حييييييل متحجر
اذوق المر واتألم وأقول يهون واتبسم
لكن قلبك القاسي صدمني وبعثر اوراقي
ارمي الورد في دربك
وترمي الشوك في دربي
رجيتك لا تعذبني رجيتك لا لاتهجرني
حس بحالتي ارجوك وبادلني الغلا مرة
""""""""""
غريبة ماسألتي عن غيابي ولا همك بهالدنيا عذابي
كاني في سما دنياك غيمة سحايه صيف من ضمن السحابي
تناسيتي الغلا واشواق قلبي ودفنتي الحب في جوف الترابي
وبعد مامات اضويتي شموعك
شموع افراح نصرك في غيابي
سالتك ايش ذنب الحب يقتل!!!
لزمتي الصمت وماقلتي الجوابي!!
""""""""""
تمادى بالغلط واحرق بقايا الحب وايامه
ماهو بعيده يتجاهلني اذا يقدر وينساني
يبي يجرح احاسيسي ويحطم روح عطشانه
يكون البعد اشرف لي ولا ذلي ونكراني
وانا باوعده لا اعاتب ولا اقول اني ولهانه
ولا اذرف دمعه عطشى على مر الهوى الفاني
ابستحمل واستحمل واوريه اني انسانه
قدرت أخلق من الأشي حنان يروي بستاني
""""""""""
أي محبه وأي عشرة وأي حنان؟؟
وأي شوق اللي إنت تتكلم عليه؟؟
يعني واثق إن باقي لك مكان؟؟
وإن قلبي يرد لو ترتجيه؟؟
قلبي اللي غلطته حبك وصان
لو يصافح قلبك كنت أقطع له ايديه
أي محبة بعد مافات الأوان؟؟
أي حنان اللي تبي تعوضني فيه؟؟
وين كنت يوم أنا احتجتلك زمان؟؟
وين حبك يوم أنا ميت عليك؟؟
روح للي لأجله بعت الحب زمان
بس لاتنسى تسلملي عليه
""""""""""
آسف إذا لك قلت انسى زماني
مهو بيدي قلبي اليوم ناسيك
حبك نسيته يوم قلبك جفاني
أبعد وانا أبعد ولا لي بطاريك
شلون احب انسان طبعه اناني
لا مايصير تبيع فيني واشريك
اتبع طريقك خلني في مكاني
يكفي جروح منك الله يخليك
ياما بكيتك لين دمعي نساني
ياما ترجتك ولا فايدة فيك
الحين جيت تقول انسى عشاني
جابك زمانك خلك اليوم
(ما أبيــــــــك)..
""""""""""
تحسبني ميت عليك؟
صدقني تراك غلطان..
أحبك أنا قلتها صحيح!
بس ترا وش كثرها بها الزمان..
هي كلمه مثل غيرها عند الناس صارت دايم تنقال..
إي نعم مني سمعتها!
بس تراني ما اعتبرها إلا زلة
لســـــان!!!
""""""""""
وصيتي يايمه لا صرت بالقبر مدفون ..
قولي لحبيبي موتي من سبب فرقاه ..
""""""""""
لاعاد ترجاني ولاني براجيـــــــــــك ..
والكل منا جعل دربه سلامـــــــــــه
لاعاد اسولف بك ولاجيب طاريــــك ..
وانشهد ان بعض المعرفه ندامــــــه
قلبي من اول يودك ويغليـــــــــــــك ..
وعن خلق الله ترفعت هامـــــــــــــه
واليوم عذال الهوى شرعوا فيـــــك ..
حطوا على عينك سواد الغمامـه
لا تحسبي في قصيدي انا اجيــــــك ..
عن حبنا اللي راح واقفى غرامــــه
حبك تحطم وانتهى بين اياديـــــــك ..
قصر الغرام اللي بنيته هدامـــــــــه
""""""""""
قلبي من فرقاك ينزف دم
وعيني من بعدك تدمع دم
ارجع كافي وخل عندك دم
.
.
دمتم بخير
