جـعـلـي فــداء لـلـي عـيـونه مـضـالـيـل ..
يشرفني طرح قصائدي في غرابيل ويسعدني اطلاعكم عليها ودمتم بخير
مشاركه اتمنى ان تحوز على رضاكم ,,
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
جعلي فداء للي عيونه مضاليل=افداه انا ياناس وافداء عيونه
خلن بعد فرقاه شفت الغرابيل=وقلبي بعد فرقاه زادت طعونه
ماذقت نوم ولاتهنيت فالليل=اسهر مع الهوجاس وابدي لحونه
مغير افكربه واجر المواويل=واسج لامنها طرت لي جفونه
ودموع عيني فوق خدي هماليل=كله من اللي خيم البعد دونه
واليا ذكرت البعد دمعي غدا سيل=يسيل فوق الخد واحفى لجونه
وعز الله ان البعد وراني الويل=لاكن ابصبر لجل خلي واصونه
اللي مايسمع في قال ٍ ولاقيل=عهدا ً علي اليوم والله مااخونه
لاصون حبه وادبل الحب بالحيل=واحلف بربي غير حبه مهونه
ويا لايمي شف والليالي مقابيل=لاحفض غلاه بداخلي ماتجونه
ماني من اللي حبهم حط في شيل=متعود ٍ بالكذب عنده مرونه
حبي بعيد ابعد من الجدي وسهيل= ماشبهه فيهم ولا يشبهونه
بالمختصر ياعاذلي باالاقاويل=روحوا بعيد القلب لاتعذلونه
وارجع واذكر يالعيون المضاليل=عز الله ان الحب غيرك مهونه[/poem]
اخوكم : محمد العتيبي ’’ تقبلوا كل الووود
