المشاركة الأصلية كتبت بواسطة ** عذبة النوح **
بسم الله الرحمن الرحيم
مساء الورود وصباح الانوار لجميع القلوب النابضه بالود والطهاره
هذه الفيتي واعلم ان الالفيات ممله ولكن لتنوعها اجدها ايضا ممتعه
ومفيده .. اتمنى ان تعجبكم وتلامس مشاعركم , واتمنى ان لا اعود
لابحث عنها فلا اجدها !! ساطرحها بحسن نيه واحسنو بي وبها النيه
,
,
[poem=font="Simplified Arabic,6,firebrick,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الفٍ : انا لي حاجةٍ ما تهيت=اقبل وتقفي وان تحايلت عيت
وبظل غيري عن ظلالي تفيت=وبهون من تربة خيالي حصدها
البا :بلاني باري الكون بلوى=ياشين دارٍ من هل الدار خلوى
لكن صبرت وتالي الصبر سلوى=والهيت قلبٍ حاجته ما وجدها
التا : تلين جروح روحي ولا فيه=جرحٍ عطيب الا لقا ما يداويه
واللي جفاني من صميمي بجافيه=لو ان كبدي بالجفا قد لهدها
والثاء : ثوبي قبل انا البسه قسته=ثوبٍ على قدري رسمته وخطته
واذا صغر او ما احتواني فصخته=كفو النفوس اللي كست به جسدها
الجيم : جاهل من حسبني محبي=لاشافني رغم الغلط ما اسبي
مايدري ان الصمت طبه وطبي=الصمت جنه ما بعمره وردها
والحا : حسبت الجود ياتي من الجود=ويورّثه والد للابنا من جدود
واثره على اللي بيد الاجواد موجود=ودربٍ بعين الحر سهلٍ وهدها
والخا : خلق ربي من النا س اجناس=هذا رزين وذاك داخله وسواس
وهذاك زين وذا به الشين ينقاس=مع ذا ,, فلا به ام تنقص ولدها
والدا : دعيت الله بعد كل فرضي=يشفي ويحفظ ثم برضاه يرضي
اللي غلاها في عروقي ونبضي=امي ,, ويجعل جنته هي وعدها
الذا : ذويت وسم روحي وحالي=فرقا العزيز وما سلا عنه بالي
ابوي عزي سيدي راس مالي=فقيدةٍ قل الذي قد فقدها
والرا : رجاي بخالق الانس والجان=يرحم طريحٍ لفته بيض الاكفان
من غيره اللي يِتبع الجود باحسان=ويغيث تربه تاج راسي رقدها
والزا : زهدت بكل دنياي بعده=كن الاماكن والزمن له لوحده
والكون زادت وحشته زاد برده=وعيوني امست تستلذ بْسهدها
والسين : ساكن لي زمن ومْتماكن=بس الحزن في داخل القلب ساكن
اضحك واضاحك وآتقوى ولكن=قبل المصيبه يختلف عن بعدها
الشين : شفت بدنيتي صد واقبال=ذقت العنا وارتحت مع راحة البال
دنيا تقلب ما استقرت على حال=يومٍ سموم ويوم ينعش بردها
الصاد : صار الطيب بالناس عيبه=قالو عن الطيب خبل او مصيبه
يمّا غبي او له نوايا مريبه=واقوال ما احدٍ عدها او جردها
والضاد : ضاعت بالرفيق الجميله=انكر سنينٍ بالعطايا طويله
نسى الزمان ويذكر احداث ليله=ثم اشتكى من عقدةٍ هو عقدها
الطا : طواني من سواياه طاوي=هانت بعد بلواه كود البلاوي
امس الطبيب اللي لجرحي مْداوي=واليوم ماادري كم جروحه عددها
والظا : ظلمني صاحبي ما تريا=ثم اشتكى والحين يدعي عليا
قلت لخفوقي لا تخليه عيا=وقال : امهله ذي غلطةٍ ما قصدها
والعين : عجل في جفاه وْفراقه=وارخيت حبله وانطلق من وثاقه
اما الكرامه او رخيص الصداقه !=عيني بترخص لا تعصى رمدها
الغين : غربه كل هالكون غربه=كل الامل كل الوفا فيه كذبه
ذنب البشر هالكذب ما هوبذنبه=كم واحدٍ عين الحقيقه جحدها
والفا : فقد هالوقت طعمه ولونه=وقتٍ تنكر له هله ما يبونه
اللي مضى مرفوض ما يقبلونه=وطموح بكرا فكرهم ما رصدها
والقاف : قل مقابل الخير للخير=راع الجميل يعامل بكل تقصير
والعيب يلقا عندنا الف تبرير=متى الخطايا يقطع الصح يدها ؟
والكاف : كني في زمان العجايب=وسط الخلا تايه بوجه الهبايب
بلا دليل ودون زاد وركايب=والريح تطفي ولعته لا وقدها
واللام : لوم الذات للذات ميزه=الكل يخطي والخطايا غريزه
والنفس تدمن ذنبها لو تجيزه=ومن طاوع اللذات مده عبدها
والما : مسكت لجام فكري بكفي=يمي عسفته , والمعاني وحرفي
ماقد عصتني كلمةٍ عند شفي=والله له المنه على من حمدها
والنون : ناديت الخيال وتبعني=بامري يشتتني وبامري جمعني
دام الحقيقه ضيقه ما تسعني=دنيا الخيال اوسع وعالي عمدها
الها : هرج بي واحدٍ قد هرج لي=ينقل لاجل غيري وينقل من اجلي !!
على الحلوف الكاذبه مستجعْلي=ودوم الروايه هو مصحح سندها
والوا : وحيد وما حصل له مراده=اهنى بعيني من نديم السعاده
اللي فقد يوم افتقدها رشاده=ويعض كفه لا تذكر شهدها
واليا : يهون اللي خسرته بدنياك=دامك مع الله مخلصٍ في نواياك
ولو طالت الدنيا يجي يوم ننعاك=زايل شقاها لو يطول وسعدها
والخاتمه ياهل القصيد اعذروني=كان قصرت عمّا أوده فنوني
هذا وصلو عد وبل المزوني=على الذي درب الهدايه مهدها[/poem]
,
,
وسلامتكم
