. . . ( أصحابي يقولون إني تعملقت ) . . . بعد غياب !!
[align=center]مساءكم سكر :
.
.
منذ شهرين لم أكتب قصيدة . . وصادف ذلك غياب قسري عن الشبكة العنكبوتية واليوم أعود لأقدم لكم أخر ماكتبت . . تمنياتي أن تشفع لي غيابي :
.
.
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
الغيبة اللي علمتني عن الوقت = مالاتعلمته . . من دروس الأيام
فيها سعة صدري الليا من تضايقت = وراي ( هم ) وراحة البال قدام
أغيب لكني الليا مني إشتقت = بنيت دولة للمشاعر والأحلام
سكانها ( دمع الوفا) يوم دققت = والحزن حاكمها . . والأشواق خدام
وأرجع وأغيب ويمضي العمر ماذقت = طعم اللقا ومعانقة وصل الأرحام
وتمرني ذكرى اللقا حين طلقت = آخر مواعيد الفرح أخر العام
ألقى لها بيت ٍ كتبته . . وشققت = اوراقي اللي ودعت نزف الاقلام
والشعر كوكب في نجومه تعلقت = مسافته ماتـنـتـعـدد بالارقام
ياماخذاني للسهر لين فارقت = حلو الكرى . . وعيون خلق الله نيام
للغالي اللي في فراقه توهقت = رضاه صعب وضيقته حكم الإعدام
الليا زعل كني بالاحزان طوقت = قامت تقسمني ندم سود الأوهام
والليا رضى بل المشاعر وصدقت = إن الفرح مكتوب مع عذب الأنسام
نزفت له من دم قلبي ووثقت = مقولة ( إن الحب خطوة للإجرام )
وكتبت له . . والشعر ينساب لارقت = مثل إنسياب الدمع بعيون الايتام
أصحابي يقولون إني تعملقت = ولاكان لي موطأ قدم بين الأقزام
وأنا أدري إني بالقصايد تفوقت = قصايدي . . ( نار ٍ على روس الاعلام ) [/poem]
.
.
وللجميع أرق تحياتي
منصور الحربي ( مغترب )
16/11/2007م[/align]
