المشاركة الأصلية كتبت بواسطة بدر السويط
مساء الخير...
و اجمل مساء لغرابيل..!!!
يعلم الله اني احب التواجد.. هنا لكن..!!!
يحول دون التواجد الدائم... اكثر من حائل...
التي نتمنى زوالها قريبا ..
................................................ز ز
عجوزي... فلسطين
هنوفي ... بغداد
... وجدي اكبر منهما على الفقيدة
.......
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا حيف يا نفس ٍ تحط اعزومها = من عقب ما هي وافيه في لزومها
صارت كما نفس المريض المحتضر = ضاعت مباديها و باقي احلومها
يا وجد حالي كالعجوز القاضيه = امن القهر شقت جميع اهدومها
تلّوا ضناها و غيبوا به عنّها = و لا به بشر يقضي لها ملزومها
اتصيح من ظن ٍ لفاها و غثها = الله يلوم اللي يحاول لومها
و يا وجد حالي كالهنوف الطاهرة = بنت الرجال اللي تنومس قومها
جوها وحوش ٍ ما تخاف من الولي = كل ٍ يزايد بالردية سومها
كل ما ذكرتك يا الشجاع الصيرمي = يا من عرفت الفزعة و مفهومها
نامت عيونك ليتها ما غمضت = يا كيف نخوة فاقدة زيزومها
تذكر من الدنيا يا كم نِوخ لنا = تدسم شواربنا بزين اشحومها
تضحك لنا الدنيا على ما نشتهي = يعني عطتنا فلها و يشمومها
اليوم شفني بوحدتي وش صار بي = اخذ من الدنيا حثال اسمومها
اهيم في وجهي و لا لي وجهة ٍ = اقطع فيافيها و روس ارجومها
و اليا وصلت لشاطي ٍ غث الفكر = اغوص في بحور الشقا و اعومها
الحال ضنكا... و الرجاوي ميّته = تعلن عن دروب السعادة صومها
المشكلة لامن نشدني شايبي = وشلون حالك؟.. كيف تالي علومها
يضيق صدري و ترتسم له بسمتي = مثل السما لا من لمحت ايمومها
و اتكذب البسمه محادر دمعتي = و اصد بعيون ٍ تحارب نومها
و اشوم عن نفسي و اعاتب حالتي = يقطعك يا نفس ٍ تحط اعزومها[/poem]
بـــــــــــــدر
