الحــب وعلاماتـــه .... قصيدة مشتركة
..
.
.
السلام عليكم ورحمة الله وبركاته
يسرّني أن أصافح قلوبكم النقيّة بمشاركة شعرية مشتركة ولعلّها تكون القصيدة الاولى التي تكتب بهذا الاسلوب هنا والشعراء الذين نظموها كما ترون هم : نيّاف العتيبي / ماجد نصّار / وجدان / أمل عبدالعزيز وهم من طاقم مدرسة أمل الشعرية ....
فكرة القصيدة قويّة وقافيتها عذبة جميلة وبحرها من البحور الطربية ( الهجيني الطويل ) وهذا مادفعنا لاتمامها فاقبلوها بقلوبكم النقية
[poem=font="Simplified Arabic,6,deeppink,bold,normal" bkcolor="black" bkimage="" border="ridge,7,deeppink" type=1 line=0 align=center use=ex num="0,black"]
للحب في سحنة العاشـق علاماتـه=أوضح من الشمس لو حاول يداريها
في ضحكته في دموعه في ابتساماته=في سجّته في خيالاتـه وطواريهـا
في لوعته في عيونه في انكساراتـه=في ساعته فـي دقايقهـا وثوانيهـا
في ضجته في سكونه وحرّة أهاتـه=في ونته فـي مواجعـه وخوافيهـا
في غضبته في عتابه واعتذاراته=دنياه تقسا إذا طالت لياليها
في ضيقة الصدر لوماظهر عباراته=في جمرة ٍ فـي معاليقـه يصاليهـا
في لهفته لاطرى له عقـب غيباتـه=ثم حدرت دمعتـه لعيـون غاليهـا
يضيق فيه الفضا تصغر مساحاتـه=الارض مع وسعها ضاقت مناحيهـا
للشوق حكمـه بروحاتـه وجياتـه=تاخذه الأشواق لدروبـه ويسريهـا
يبحر مع الشوق لين تطيح مرساتـه=مراكب العشق ماتخطـي موانيهـا
إن وافق الوعد شوقه زانت أوقاتـه=تبين فـي لهفـة عيونـه مواريهـا
وان خانت الريح رغباته ومشهاتـه=عوّد على نجمـة أحزانـه يباريهـا
واذا تبي تكتشف وشلـون حالاتـه=عندي طريقه عليـك انـك تسويهـا
فتّش عن العشق وابحث في رواياته=دوّر روايه تحس الحـب مشقيهـا
إن كان مايم وجهك شـد نظراتـه=هذا دليل ان حياته عكـس مافيهـا
وإن كان تابع معك كله مـع ذاتـه=عزالله انـه قريـبٍ مـن بلاويهـا
للحب سكْره على العاشق وسكراته=مرّات تطغى على روحه وتشجيها
ومرّات ترسم ملامحها على سكاته=وتموت كلّ المراكب في مراسيها
للحب صدقه وكذبه وانفعالاته=طبع البشر من بدايتها لتاليها
والمستريح الذي ماذاق لوعاته=ولاغرق في متاهاته وشقاويها
الحب راحه ولكن قبل راحاته=لابد للنفس تتحقّق أمانيها
للحب في كلّ خلق الله علاماته=مهما عن الناس خلق الله تداريها[/poem]
وباب المجاراة مفتوح لمن يرغب فالقافية لازال فيها متسع للعطاء والفكرة مداها واسع للغاية
وتحيتي لكل من نظر وحضر .
