سبكة ذهب مشغوله ،،، اهداء للاستاذه أمل عبدالعزيز
السلام عليم ورحمة الله وبركاته
هذه أبيات أهديها بكل حب وفخر لمعلمتي الغاليه أمل عبدالعزيز من وحي قصيدتها الأخيره
وهي أولى قصائدي على هذا البحر الجميل
أتمنى أن تقبلوها وأن تنال على رضاكم
[poem=font="Simplified Arabic,6,royalblue,normal,normal" bkcolor="black" bkimage="" border="ridge,5,royalblue" type=2 line=0 align=center use=ex num="0,black"]
بكتبك ياشعري على الطرق الجميل=مايختلف وزن البحر عن طوله
واهديك للي شعرها أصبح دليل=للرمز وعيون الشعر ( أمّوله )
اللي قصايدها قراح وسلسبيل=وأبياتها سبكة ذهب مشغوله
وحروفها من فرط رقتّها تسيل=بالعطر وبروح الزهر مبلوله
ياللي موازين الشعر يمّك تميل=يعيش مع قافك ربيع فصوله
الشعر عمره في ندى كفّك طويل=والورد ينسى في يديك ذبوله
بعض الشعر في غالب بحوره قتيل=وانتي بعثتي روحه المقتوله
واللي يبي يعرف عن بحور الخليل=الواضحه منها على المجهوله
يقرا قصايدها وتهديه السبيل=ويذوق طعم أبياتها المعسوله
ان قلت بوصفها ترى حرفي بخيل=وان جيت ابسترسل فهي مقيوله
المستحيل انّك تجيب المستحيل=بس الصحيح انّك تجي من حوله[/poem]
تحيتي لكم
