اغزر من الهداج واندى من رماح
هذي القصيده في سمو الامير عبدالرحمن بن سعد بن فيصل ال سعود
[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابو سعد بالطيب حرٍ نداوي=يستاهل البيضا وجزلات الامداح
ماخاب من ينصاه عند الدعاوي=والمشتكي يلقى معه ظل وسناح
ابو سعد دائم بعيد الهقاوي =عد ٍعلاه الفين ساني ومياح
عد(ن) من الجزلات جزل ورهاوي=اغزر من الهداج واندى من رماح
للجار والخطار طبٍ مداوي=ومجالسن فيها ازرق العود فواح
دائم على كسب النواميس هاوي=ودائم على كسب الطويلات مشواح
على العدو سيل ٍ حدور ٍنحاوي=خصيم فعله لابدى الجد نزاح
ذيب على روس المراقيب عاوي=ماهوب عن نول الطويلات مرتاح
يفداه من راسه من الطيب خاوي=ويفداه هذار المجالس بالامزاح
من جاه في قلبه كبار المناوي=عود وباله من شقا الوقت منساح
من جاء ينازعهم يطيح متساوي=تنشب في حلقه بالوغى نشبت رزاح
سلطه علمهم فالميادين ضاوي=عسى لياليهم تباشير وافراح
ذولاء عيال سعود عز وعزاوي=اهل سيوف ٍ حدب وخيول ورماح
واختامها صلوا عداد الرجاوي=على شفيع الناس في عرض الالواح[/poem]
