امنحيني أرض في قلبك وأنا أعاف الأراضي !!
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
امنحيني ارض في قلبك وأنا أعاف الأراضي=لو تكون بشـارع الستيـن وبحـي العليـا
ماأبـي منحـة ملكيـة ولاقرعـة وقاضـي=وشاهدين وحبة خشومٍ ... ويمكـن ماتهيّـا
ولاأبي صكٍّ يجيبنِّـه عسيـرات المخاضـي=ولاتعوَّدت استثير العطف أو قولة (خْطَيّـا )
المطامع ياعنود الصيد لو كانـت عْراضـي=ماعليها أجمـع الفزعـات دام الحـظ عيّـا
أي منسوبٍ من حْدودك تراني فيه راضـي=دام أنا يالوارفة فـي ظلـك الرحـب أتفيّـا
لو على جرفٍ من ضلوعك أبيه بلااعتراضي=أوْعِدك إني فلااشكي ظلم لجنات (الخْفَيّا ) !
والله إنه عندي إيعـادل بْحِسْبَتْهُـم فياضـي=عندهم (ملّيمتر ) .... لكنِّـه بعينـي رهيّـا
ياندى الازهار يارمز الطهـارة والبياضـي=اعدلي يابنت ..... أنا يابنت مظلـومٍ بليّـا
لو تشوفيني كسير الحال وبْراسـي بياضـي=لاتظنِّي من كبر سنّي تـرى تـوِّي صبيّـا
ياعنود الصيد انا مااْخفيك قد عانيت ماضي=به من الحرمان للأنسـان ماكـان خفيّـا !!
مانفعني طهر وجدانـي ولادمـع امتعاضـي=حزني اللي ماملاعينك ترى ماهـو شويّـا !
دام ماهزِّك عنا روحي وشعري وانتفاضـي=ماهقيت تْغيّـرك فزعـات راعيـن الحميّـا
طفلةٍ ماهمّهـا لـو حبّهـا يبَّـس لحاضـي=مالها يعني سهر عينـي ونوحـي أي شيّـا
إيش يعني لو يموت الشعر أوهو لانقراضي=دام هي حيّة وفيهـا طيشهـا مـازال حيّـا
صح انا مسيكين ! لايمكن بعد ساذج وفاضي=أحْسِب إن الصدق ياتي دايما حسب المحيّـا
آه مادجّجنـي إلاً سخـافـات افتـراضـي=هذا ثالث عام من غبتي واقول إنك هنيّـا ![/poem]
شعر \ حمدان سالم العنزي
