رد على قصيدة محمد ابن الذيب
هذه القصيده قلتها رد على قصيدة ابن الذيب
التي يقول في مطلعها
المشكله ماهى قضية فلسطين@@@المشكله لبنان راحت وراها
البيت هذا في ضميري من اسنين@@@يطرق علي مسامعي ويتناها
الي اخر القيده
فرديت عليها بهذه القصيده
التي عسي ان تنول على رضاكم واستحسانكم
[poem=font="Simplified Arabic,6,red,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامحمد ابن الذيب وش ذا المضامين=كنك جهلت البير والي غطاها
كنت احسب انك تعرف الشين والزين=وثارة بواريد العدى في اخباها
شيع مع الشيعه عسى فالك الشين=يمكن يحطونك سفير اسفراها
ولعوشروا عوشر علي شط قزوين=واخذ الفتاوي من كبار اعلماها
واللي لحزب الله تسوق البعارين=واليا وصلت ارجوك قل لومراها
الوضع متأزم ولافيه تحسين=هذا اختصار ان العرب في عماها
انقسمو لقسمين صايب ومخطين=سنه وشيعه والعرب في هواها
واهل الخطى مبط مهو قبل يومين=عام الصحابه والخوارج بلاها
الدين يابن الذيب مايخلص الدين=علم بها الشيعه وكل اشوراها
حبيت ابرهن للحقيقه براهين=والخافي اعضم وش تكن بحشاها
واللي يضيف الناس تسعه وتسعين=قله بقي وحده ويحصل مناها
حطم مقاييس الخيانه علي مين=وارضه علم رابين غطي ثراها
الثعلب المكار يضبح للدنين=لا يحسب انه ذيب حامي فلاها
جيده يسرح فالعبادالضعيفينويباري الطرقى علي ايش ايتباها
والثالثه باقي لهابس بنطين=واتفور اللعبه ويكشف خفاها
وحشو الربيع اليا ادهر الوقت بتشين=وعقب المنام العين تجفي كراها
درب العلا يبغي رجالن شجيعين=الي من العدوان تروي قناها
تغي لها رجلن من رجالن مسمين=يارد حياض الموت ماقد خشاها
ماهي سوالف لابسات الفساتين=والي الديون الي ندور قضاها
يامحمد ابن الذيب وحده وثنتين=غنيت في لبنان واللي وطاها
لاباس لكن لاتنوش السلاطين=انته ويعرب كلكم في ذراها
وان كان تجهل فالرجال الكريمين=اعطيك نبذه تنفع اللي قراها
ال السعود ملحقين المخلين=ذولا عمي عين الحسود وقذاها
حكام نجد الياغدي العلم علمين=يقصر مدى الخاين ويطول مداها
لثارة الهيجاء سوات البراكين=كم خيبوا نية ردين نواها
ريف الصديق وسقم كل المعادين=بيدينهم جرح الكبود ودواها
ألنصرة المضيوم والدين وافين=وكم دولتن تعط العطى منعطاها
اهل الكرم والطيب فالعسر واللين=واهل العلوم اللي يشرف نباها
كفاتهم ترجح بكل الموازين=مثل المزون اللي يشوق سناها
هذى عن ال أسعود بس العناوين=مثل القمر بين النجوم ابفضاها
ووالله لو اكتب ألتملي الدواوين=سيرة هل الوفات وابها اتباها
لعيونهم نارد علي الموت عجلين=مثل الهبوب اليا تصافق هواها
واختامها ياللي لك الخلق داعين=تحفظ لنا حكامنا واتحماها[/poem]
