قم يانديبـــــــــــــــــــ ـــــــي
بسم الله الرحمن الرحيم
السلام عليكم ورحمة الله وبركاته
اتمنى ان تقبلوا هذه المتواضعه وتنال اعجابكم واعذرونا على القصور
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قم يانديبي وتل الجمس باثنيني=خل الكفر يصطرخ وتشوف تدخينه
جمس ٍ مورد سنة ست وثمانيني=حوض ورفارف حمر ماراد تزيينه
مطاوع ٍ سايقه بالعسر والليني=ولاقد سمعنا من السواق تلعينه
منتاج ديرة هل الكفر الملاعيني=وجابه وكيله ورغب به بداوينه
من عقب عوضهم ركوب البعاريني=الصبح مسراح وايضا الليل سارينه
سره بليل ٍ به النيام ساليني=حيث ان موضوعنا بالليل باغينه
سره لشوق الغنادير المزاييني=اللي على المرجله قابضة ٍ ايمينه
راع الكرم فالزمان الزين والشيني=يكرم ضيوفه ولو ماينحصي دينه
ماهوب ينزل بمنزال المساكيني=قرم ٍ مضري على المطلاع رجلينه
الطيب به جامعه من طيب جديني=حيث العرب طيبها ورث ٍ مخلينه
واللاش لو مات ثم ورّث ملاييني=يدفن وتدفن معه طرياه من حينه
قله تراني مسكت الحبل بايديني=عقب اختفاله زمان ٍ ماعرف وينه
تليت حبل الستارة وابصرت عيني=تخطيط صهيون يوم انه مذرينه
يبغون نكبة عماهم راعي الديني=عدا مكان ٍ دهر ماهم معدينه
يبون يخطي ولكن عقله ذهيني=يعرف متى يصدف ابليس ومعاوينه
سنين واهمه علاه بشر ناويني=والله ليبطون باللي فيه ناوينه
انا معه لين احق الحق ويبيني=من بين من هم عن الشوفة مخبينه
باق ٍ معه لين رب الخلق يفنيني=درع ٍ لراع الشرف والسيف بايدينه
هذا الكلام الصحيح ان كان توحيني=ونختمه بالسلام ومتّته شينه[/poem]
[align=center]وسلامتكم[/align]
