المشاركة الأصلية كتبت بواسطة وجــــدان
،
،،
،،،
السلام عليكم ورحمة الله وبركاته
وكل عام وانتم بخير وعساكم من عوّاده يارب
هذا بيت جاني في مسج من شخص قريب من العيله قبل كم يوم وماكان عندي فكره انّه شاعر ويقول فيه :
الشعر كلّه خداع وجمركه
يخدع الوجدان ودموعه مزوح
استفزني البيت وكان الرد ,,,
،
[poem= font="Simplified Arabic,6,burlywood,normal,normal" bkcolor="black" bkimage="" border="ridge,6,sandybrown" type=2 line=0 align=center use=ex num="0,black"]
الشعر نصفه خيال وفبركه=ونصفه الثاني معاناة وجروح
لو يصادف فيك جرح وحرّكه=كل حرف وبيت من جرحك ينوح
يفركك مرّه ومرّه تفركه=لين نار الشعر في صدرك تفوح
إن غلب شيطان شعرك اتركه=يرسم احساسك بريشته ويبوح
وان عفا عنّك وخلاّك بركه=التزم بالصمت لين انه يروح
والقصيده في الحقيقه معركه=تختلف فيها الهزايم والفتوح
الشعر يافهيد ماهو جمركه=دمعته دمعه ومزحاته مزوح
لو تعلّق فيه قلبك وادركه=فتّق جروحه وخلاها تلوح
يافهد بالله خلّ الركركه=لاتجادلني ترى قلبي نصوح[/poem]
أتمنى تحوز على رضاكم
