http://www.m5zn.com/uploads/b3318e0f38.jpg
سعودية رفيعة راس
عظيمة في عيون
الناس الى من
اقبلت يقبل معاها
العز والنوماس
http://www.m5zn.com/uploads/ccec5296be.jpg
يقول الأمير خالد الفيصل:
لاح يوم الوطن والعز لاح
وكلمة الله على البيرق تلوح
يوم الاسلام يا يوم الفلاح
والوطن كل روح له تروح
فوق الايمان ركبنا السلاح
والمقابيل بالخافق تبوح
الله اكبر مثل ضرب الرماح
سيلت في خفى الباغي جروح
http://www.m5zn.com/uploads/ae155b1195.gif
الامير بدر بن عبد المحسن يقول للوطن:
عزنا الاسلام هو غاية فخرنا
فيه سر وجودنا ونموت دونه
أرضنا ارض الذهب وانقى المذاهب
والرجال اللي عهدهم يحفظونه
ومن قصيدة أخرى يقول:
صرخة.. ذكرتك يوم واليوم موعود
لجل الوفا لراعيك موفي الوعايد
كني بوقت راح حاضر وموجود
في يوم عشاة المجد.. عله هايد
وكن «المربع» توه اليوم مشيود
جدران طين اطمام سقفه جرايد
قصر بنى للعدل والطيب والجود
سوره ذرا للناس وفرشه وسايد
كذلك من قصيدة أخرى يقول:
الله الاول وعزك يا الوطن ثاني
لأهل الجزيرة سلام وللملك طاعه
حنا جنود الحرس للقايد الباني
رمحه.. ودرعه وكف الشيخ وذراعه
مثل السيوف البواتر وان جنى الجاني
يضرب بها ارقاب من بالدار طماعه
من بان عبد العزيز وصبحنا باني
ما عاد نقبل ضلام الليل لوساعه
في السلم يشهد لنا عمر الاوطاني
وفي الحرب لارواحنا للموات بياعه
http://www.m5zn.com/uploads/60600577df.gif
