هاذي مجاراتى البسيطه والمتواضعه للشاعره القديره اميرة القوافي
http://www.sfsaleh.com/vb/forum8/thr...ml#post1661895
وان شاء الله تنال الرضي والقبول والاستحسان
[poem=font="Simplified Arabic,5,blue,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
هاضتنى حروف ٍ لصافي الجبينا = فيها مطاليب وعليها مواجيب
جتنا وحنا للمجى ما احتسينا =وكم صدفة ٍ خير ٍ من الفين ترتيب
وحنا لياجات اللوازم بدينا = وقمنا مقام ٍ يشبع الطير والذيب
ناقف ونبذل كل مافي يدينا = من غير مشروه ٍ ولوم ٍ وتثريب
اما لــحّق اللى نصانا خذينا = والا قطعنا طاري الشك والريب
نخاف احد ينقد ويشره علينا =من النشاما والبنات الرعابيب
والشعر له غبه وشاطي ومينا = بحر ٍ تلاطم موجه مخيف ومهيب
احدٍ لياغاصه يجيب الثمينا = واحد ٍ لياغاصه يجيب العذاريب
وانتى من افضل من لشعره قرينا = جزاله ومعنى وحكمه وأساليب
واللى وطاك من الزمن قد وطينا = قدام لافي روسنا يطلع الشيب
ياما من الدنيا مقالب كلينا = لكنها تحسب علينا تجاريب
وللى كلينا .. ابشرك مانسينا = منها خذينا حسن سيره وتأديب
ياما خذت منا وياما عطينا = وياليتها باللى خذت تقدر تثيب
والناس لو في قربها مارضينا =ملزوم نرضي بالقدر والمكاتيب
لو بالقلوب وماتخفي درينا = ماكان صار ألنا معارف واصاحيب
ياما من ألسنة العباد انكوينــا= وياما شذبونا شاذبين العراقيب
لكن على سلم الاوائل بقينا = ندمح خطا المخطي ونجزاه بالطيب
والله على درب الصواب يهدينا = قدام احدنا يخطى الدرب ويصيب
قمنا نعيب الوقت والعيب فينا = ونعلق الشرهه بروس المراقيب
والصبر مفتاح الفرج فالسنينا = ومن لاصبر مانال طيب ٍ ولاصيب
هذا يا أميره واسلمى واعذرينا = وعسا المطالب وافيات المواجيب [/poem]
وسلامتكم والعذر على القصور
