صدري مع الطيب وسيع وشمالي@ والا مع الرديان صدري جنوبي
هذه بويتاات متواضعه كانت مشروع توقيع وتطورت الى ماهى عليه الان وان شاء الله تنال الرضي والقبول
فقط لاغير
[poem=font="Simplified Arabic,5,blue,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
يارب وفقني لحسن المآلي = واجعلني اشكر جود فضلك واتوبي
وهون على قلبي هموم ٍ ثقالي = تلفي على من كل حدب ٍ وصوبي
ادري لو ذنوبي كبار الجبالي = في بحر عفوك.. ماتساوي ذنوبي
اشيل ماشالت ظهور الجمالي = ولاعليّه من كبار الخطوبي
مادام ياربي عليك اتكالي = ياكافل ارزاقي وساتر عيوبي
والله ماادري ماتخبي الليالي = ووالله ماادري وش نهاية دروبي
ووالله محسب فالعمر وش بقالى = وزمان تفريطى ماهوب محسوبي
عفوك وغفرانك معي راس مالي = وتكفير زلاتي وفرجة كروبي
عليك تكلانى بكل الحوالي = لوكنت من بعض الامور مغلوبي
اعوذ بك من شر قهر الرجالي = واعوذ من كيد الغزال اللعوبي
واعوذ بك من شوف نفسي وحالي = واعوذ لايمسى علّي مغضوبي
واعوذ بك من قل حالي ومالي = واعوذ بك من شر سود القلوبي
والوذ في عفوك بوقت السؤالي = قدام في قبري تصافق جنوبي
امشي على وجهي ولادري بفالي = لو ضاق من حكم المقادير ثوبي
صدري مع الطيب وسيع وشمالي = والا مع الرديان صدري جنوبي
والله لو فكري يطاوع خيالي = لاشب في بعض الخلايق شبوبي
نفسي على نبذ الردى ماتبالي = حتى لو ادفع حاجة ٍ من جيوبي[/poem]
