][ رجل يختبر عريس أبنته ][
نزل أحدهم على رجل ضيفاً يريد الزواج من ابنته فقال له الرجل :
أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟
الضيف / تفضل .
الرجل / وش الشيء اللي يضرك إذا أرتفع وإذا أنخفض ؟
الضيف / هذا الله يجيرني وإياك والعروس ... مرض السكر والضغط .
الرجل / ما لك لوا ... هذا سعر البترول .
طـيـب ... من هو اللي يصلي النافلة ويترك الفرض ؟
الضيف / المجنون
الرجل / صدقت ... هذي الموظفة اللي تخدم الناس وتضيع زوجها وأولادها وبيتها طيب ...
الرجل / من هو الملك اللي نزل من عرشه وضيع شعبه وأشتغل سوّاق ؟
الضيف / هذا سؤال صعب !
الرجل / أبداً هذا بسيط للي يعرف الواقع ... هذي الحرمة اللي تهرب من بيتها وتطالب بسواقة
السيارات
الرجل / وش الدولة اللي فيها رئيسين ؟
الضيف / ما فيه يا عمي حتى الملعب وهو ملعب ما فيه إلا حكم واحد وعنده مساعدين
الرجل / شفت إنك ما أنت داري بشي ... هذي بيوت اللي ينادون بمساواة المرأة بالرجل.
طيب ... إذا بغيت معنى كلمة عربية وين تدور عليها ؟
الضيف / في لسان العرب أو القاموس المحيط .
الرجل / ما عندك سالفة ... بوش على الذمة ما تشوف كيف فسر لنا كلمة " إرهاب " وكل العالم وافقوه عليها
الرجل / طيب ... وش الوردة اللي ما تستخدمها إلا إذا ذبلت ؟
الضيف / أصلاً إذا ذبلت , ما عاد يصير لها قيمة !
الرجل / صحيح ... هذول بنات هالأيام , البنت ما تتزوج فيهن إلا بعد ما تكبر ويروح شبابها وهي تطرد ورى هالسراب اللي يسمونه المستقبل!!
الرجل / طيب ... منهم الأبرياء اللي يجوز قتلهم ؟
الضيف / ما فيه .
الرجل / هذولي ... المسلمين ، ما تشوف لما قتلتهم أمريكا في أفغانستان ، والعراق قالت حنا ما يمكن نقضي على الإرهاب إلا بقتلهم ، وافقهم العالم كلّه حتى المسلمين ، .
إييييه ... الظاهر يا ضيفنا العزيز إن ما لك نصيب في البنت لأن ما عندك (( فقه بالواقع ))
وبعدين البنت باقي تدرس وعمرها لا زال 35 سنة وباقي توها صغيرة على الزواج!!
وراااحت عليه العروس
قصه هزليه تحمل في طياتها من الواقع الشي الكثير
فأحببت ان انقلها لكم
واتمنى أن تعجبكم
تحياتي
