لــــمـــي دمــــــو عــــك
طابت أيامكم بالمسرات
متواضعة
=
=
لمي دموعك دامنـا بآخـر الليـل
قبل حلو ل الصبح لمـي دموعـك
لمـي دموعـك اكتفينـا بهاذيـل
وصوتي ما عاد يمر داخل اسموعك
خلاص انا ابرحل واخليك واشيـل
حبٍ كرهته من سبايـب طبوعـك
لا اقف بوجه القلب دونك ولاحيـل
واقتل طموحه و احرمه من شموعك
لا أخلِّيِه ينسـاك ويـذوق تنكيـل
ينساك حتـى مايكمـل اسبوعـك
والى نساك وداس ذيـك التماثيـل
خلاص ما يظمـاك لا مايجوعـك
خلاص قلبي تاب يمك فـلا يميـل
خلاص ماينطر لقـاك ورجوعـك
توه صحا من سكرته مثـل ماقيـل
توه تعافى مـن جفـاك وفجوعـك
خلاص روحي والليالـي مقابيـل
تلقين من يفجعك من هو يروعـك
تتصرخي صرخة ندم كلهـا ويـل
تلقي صداها ينحصر في ضلوعـك
غرك زمانك والرموش المظاليـل
وغرك بعد مكانتك فـي ربوعـك
خلاص روحي دوري غيري بديل
غيري تلاقـي تخدعيـه بدموعـك
----
