|؟.. فهد المساعد ..؟|

[align=center]بسم الله الرحمن الرحيم[/align]http://www.l22l.com/l22l-up-1/0154c2c920.gif

العذوبة.. والإبداع الخارق.. وجمال الحرف .. وروعة المعنى ..والإحساس العذب الصادق
والحزن المرهف .. تجتمع في شعره..
قصائده تشبه روحه ..
لايحتاج لــ مقدمة لتعريفه .. !!
إنه المبدع : فهد المساعد

[poem=font="Simplified Arabic,4,seagreen,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أيوالله أن شوفته تستاهل عنادي=اللي عـشانه تـركت الـدار والـتربـة
مااقول لك شوفته نسـتـّـني بلادي=لكـنّـها يافهد نستـّـني الــغــربــة
وش عاد لو قلت عني ضايع وغادي ؟=وش أبــركه مـن ضــياعٍ دلـّـني دربـه
تبغاني ارجع ! وأنا ياصعب معوادي=مـادام هـمّـي نسـانـي وأنـقـلع سربه
الـهـم هـاللي تـشـوف انه عليّ بادي=يالـيـتك تشوف كيف يصير في قربه
الله يـحــرم ... عـيـوني لــّذة رقــادي=أنّي معه .. مااعرف حزني ولااشعربه
هرجك فـ وادي وأنا ياخوك في وادي=الله يـخـلّــيك ... حـــالــي لاتعـّـذربــــه
راضي بحالي كذا ... واللي يجي عادي=لـعيــون منهـو ركـز فـي قـلـبي الحربه
بصوته , شقاوته , مزحه , طبعه الهادي=يـمـلا عليّ الفضا .. من شـرقـه لــ غـربـه
يـكـفـيني أنه غـدا هــو شـربـي وزادي=أو تـقـدر تـقـول أنـا اللي زاده وشـربـه
ياخي أذا الحب عيب ! فـ شفني آنادي :=سجل ..... أنا من عرف عيبه وجاهربه
وسجّل هنا كلمةٍ تستاهل عنادي=بقولها قبل أسافر وأترك التربه
والله ماأقسى من الغربه عن ابلادي=الا .. شعوري وانا فـ بلادي بالغربه[/poem]

http://www.l22l.com/l22l-up-1/b5ac510a9d.gif

[poem=font="Simplified Arabic,4,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياقصيدي شد حيلك وأخذ من جورك عدالة=وأنفض غبارك وطوّح باللحون السامرية
أبشر بعلم ٍ تسرّ البال رشفه من زلاله=أبشر بعلمٍ يجيب أقصاك ويردك عليّه
أبشر بـ ( ريف الضلوع العوج ) جت منها رسالة=رجعتني للحياه وذكرّتني بالمنية
أكتبت فيها : (( من سهول الشمال ومن جباله=لأرض الأحباب وبلاد الحب _ إلى نجد العذية
من صبيّه عاث فيها الوقت وأعياها أحتماله=للحبيب اللي يطيح فـ غيبته دمع الصبية
يالحبيب أن مرّك أسمي في الرساله وأنت داله=أعتبر هاك الرساله طيش بنت ٍ نرجسية
وأن قريت أسمي وطاحت دمعتك قبل الكماله=كمّل السطر الأخير وبلّغ الشعر الوصية
وأكتبت لي فـ آخر سطور الغلا سطر ٍ لحاله=بشّرت في القصيد وجت تسوق الشعر ليّه
ياقصيدي وأنت عم القلب وجروحي خواله=لاتردّى ماخبرتك ياولد راعي رديّة
أقدح الشعر وتوّلم مانبي لـ أحدٍ جماله=مالها غير المساري والحروف الأبجدية
دامها لعيون بنت الشعر والحسن ودلاله=والله أن يقال فيها الشعر وتسوقه حميّة
العنود اللي تذّكر واحدٍ ماغاب باله=بالقصايد والرسايل وأسمها والمقدرية
كيف تسألني عن أسم ٍ هزّ له غصن وحدا له=شاعر ٍ من طول صمته ماهقيت ألقاه فيّه
ليتها تسأل جنوب القلب عن صحراء شماله=كم بقت رغم الهبايب في قفاريه الخليّة
وأن بغت تسأل قصيدي جعل يفداها خياله=تقلط هنيّا وتبشر بالسعد والشاعرية
القصيد أن كان ماانصف شاعره لاجا مجاله=وش نبي به يوم نكتب فيه ونحطه قضيّة[/poem]

http://www.l22l.com/l22l-up-1/b5ac510a9d.gif

برد وأيام وأحباب..!!

[poem=font="Simplified Arabic,4,seagreen,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هب الشمال وطاح بين المحاديب=طفل ٍ على خدّه مشاريه وعتاب
والبرد شبّع جرد الأيام تعذيب=وأنا ضحية برد وأيام وأحباب
ياليل مالي غير حضنك معازيب=خلك معي لاشحّت وجيه الأصحاب
ماعاد هي لحية غرام ومكاتيب=لاوالله الا قرّبت صوب الأهداب
يابنت يا أم الضحكة أم المعاطيب=لاماك ذنب وشاعرك مابعد تاب
مرّت ثلاث سنين يا أغلى الرعابيب=والريح تشكي للشبابيك والباب
مرّت ثلاث سنين بين المراقيب=عدّيتها يابنت مرقاب مرقاب
في ذمّتي ماعاد أودي ولا أجيب=حتى الشعر ماعاد ودّى ولاجاب
يابنت عندي كلمةٍ تقطع الجيب=بـ أقولها لو ماحسبتي لها حساب
طرد المقّفي مثل طرد العذاريب=وأنا تعبت أبلع مشاريه الأعراب
أما تعالي وأقطعي دابر الريب=والاّ انسي أني كنت أنا وأنتي أحباب[/poem]

http://www.l22l.com/l22l-up-1/b5ac510a9d.gif

[align=center]الحصاد..!![/align]
[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كل ماجبت كبوة .. قلت كبوة جواد=وطال كبو الجواد .. وطال معه العدي
كنت أجمّع قروش ٍ بيض لجل السواد=ويوم ساد السواد أنشلّ معصم يدي
آه ياهي غروسي طوّلت بالحصاد=يوم نوّخت حلمي عند باب الجدي
يالحبيب الكبْر ماخلْق لجل العباد=خلق للي ينادي : ( يالعباد أعبدي (
جيت مثل الغريب .. وكنت مثل البلاد=وقمت أباهي وأصوّت يابْلدي يابْلدي
أحسب أني كسبت الكسب يوم الجهاد=وجبت رأس العنيد وشلت حمْل ( ابعدي(
وأثر كسبي عيون ٍ ماتذوق الرقاد =وشاعر كل ماضاقت عليه يحدي
هيه ياللي بديت بشي مثل الوكاد=وأنتهيت بظنون ٍ حاربت مرقدي
أعتبر كل عمري معك كبوة جواد=وألف شكرا على أني صرت اعرف آعدي[/poem]
http://www.l22l.com/l22l-up-1/b5ac510a9d.gif

[align=center]
صمت المكان..!![/align]
[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كل ماطابت هجوسي رحت اسولف للزوايا=عن فتاة ٍ كان يملى صوتها صمت المكان
عن فتاةٍ غير كل اللي قرينا في الحكايا=صمتها طيش وقصيد وطيشها صمت وأمان
باقي ٍ فيها من اللي في طفولتها بقايا=شيطنة ضحك وسوالف .. رقة شعور وحنان
كم تزاعلنا وكلٍ ينتظر دمح الخطايا=كم سكتنا والزعل من بيننا مثل الرهان
لين ماتنهي زعلنا ضحكة ٍ بين الشفايا=ضحكة ٍ غابت ولكن شانها مازال شان
ماذكرت الاّ عيوب ولاتركت الاّ مزايا=سوّد الله وجه حظي والليالي والزمان
راحت وخلّت دلعها صورةٍ بين المرايا=وين مالدّيت فيها شفت ضحكات الثمان
وشفت شامة فوق جمرة سوّت بقلبي سوايا=آه ياهالحال منها كيف صار ووين كان
بس ياذاك الخفوق اللي تلجّ أبك الحنايا=شد حيلك لاتخاذل مايطيح الاّ الجبان
مالك الاّ ذكرياتك وأنت من بين الهدايا=حول ذاك الورد أبو عطرٍ يهز الشمعدان
كل ماخلّت وراها غالي ٍ ريم الصبايا =حتى والله من غلاها .. رحت وأغليت المكان[/poem]

[align=center]القرايا..!![/align]

[poem=font="Simplified Arabic,4,seagreen,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
القرايا ساكنتنا لو سكنّا في المدينة =ياكثر مافي المدينة ناس تسكنها قرايا
مثل أنا لامن شعرت أني بحاجه للسكينة=رحت يم القرية اللي قدرها بين الحنايا
قريتي واليوم جيتك شاعر ٍ هزّه حنينه=للوجيه وللبيوت وللسوالف والحكايا
قريتي أنا فهد .. فهد .. فهد ماتذكرينه ؟!=اسألي عني بيوت الطين ونقوش الزوايا
ياسقى الله قبل أسافر عنك يالدار الثمينة=يوم أنا طفل يشوف عيوب جدرانك مزايا
يوم أنا طفل ٍ يمر اليوم ماشاف الغبينة=الضحى وسط المدارس والشفق بين المطايا
ياسقى الله يوم كنت الريح والدنيا سفينة=قبل مالدنيا تكون الريح والسفن البرايا
يوم أبوي الله يبيحه كان ياخذنا بيدينه=يم ذاك المسجد اللي فيه من ريحه بقايا
ياسقى الله أو بلاش أزيد هذا الطين طينة=لي هنا والعمر مابه متسّع لـ أهل الرزايا
قريتي مانيب أنا أول من رجع لك وسط عينه=دمعتين ٍ كنها لبيوتك وناسك مرايا
القرايا سالفة أهل القرايا في المدينة=والمدينة سالفة أهل المدينة في القرايا[/poem]


!
!

http://www.l22l.com/l22l-up-1/b5ac510a9d.gif


[align=center]أعز إنسان..!![/align]
[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يصوّت حبيبي وقبـل أقـول ياعونـك= شكى جروحه ورحت أشكي له طعوني
يقول مقدر أعيش اليـوم مـن دونـك=وأقول حتى ولو ماعشت مـن دونـي
يمكن أنا أكون أعز إنسان ف عيونـك= بس انت والله كل النـاس ف عيونـي
لا صرت ربعي وداري فيّـة جفونـك= وش دخّل الناس خل النـاس يجفونـي
يكفيني إن أنت لا من قلـت وشلونـك= تطيب كل الجـروح ويختلـف لونـي
وإن كان منتب مصدقني على هونـك= تعال وطالـع دروبـي ويـن ودونـي
أصبحت أجامل عداي اللـي يحبونـك= وأكره مشاهد عـداك اللـي يحبونـي
ومن كثر ما أحب واكره عنك وأصونك= أصبحت دفتر مشاعر وأنت مضموني
إن غبت عني شعرت بلـذة طعونـك= وإن شفت زولك شعرت بقيمه عيونـي[/poem]

http://www.l22l.com/l22l-up-1/b5ac510a9d.gif

[align=center] المدينة والغريب..!![/align]
[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جاء يشـوف الحـال كيفـه بعـد ماهـزه حنينـه = وقبل يسألني سألته : كيـف حالـك يالحبيـب ؟
قال : أنا كنـي غريـب ضيـع دروب المدينة= قلت : أنا كني مدينـة تنتظـر رجعـة غريـب
قال : اجل وش فيك تكره سيرة الحـب وسنينـه= قلت: أجل وش لون ما اكره سيرته دامك تغيـب
انت لا من غبت حتى مرايتك صـارت حزينة= كيف ما تبغاني أحزن وأنت لي حظ ونصيـب !؟
الهدايـا و الرسـايـل و المكاتـيـب الثمينة = والليالي و القمـر و الريـح و الكـون الرحيـب
كل ما تبعد .. تجيـب الشعـر ليـه مـن يدينـه= و تقعد جروحـي تـودي فالطواريـق و تجيـب
يا بعـد كـل القصيـد و نـزوة حـداه وأنينه= لا ذكرتك لاح بيت .. و طاح ورد .. و فاح طيب
و إن نسيتك ما نساني صوتك المبحـوح لينـه.= يأخذ لجرحي بثأره مـن خطايـاك و يطيـب
و بعد هذا جـاي ترمـي ذنبـك بوجـه المدينة= مـا دريـت إن المدينة كلهـا شمعـة غريـب[/poem]

http://www.l22l.com/l22l-up-1/b5ac510a9d.gif

[align=center]جمر الوله..!![/align]
[poem=font="Simplified Arabic,4,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لعنبوا بعض القصائد كان مافيها حلا=ماتروح الاّ وتترك للحنايا جلجلة
تبتدي مثل الرشاش اللي يسولف للكلا=ولاخذا قام يترزم مثل شهب إمنزله
فوق صدر الشاعر اللي عن طواريقه جلا=لين شافت أخت القصائد بالقصائد مقبله
ياهلا بــ أخت القصائد كثر شوقي ياهلا=اقلطي بين الحنايا وإفهقي جمر الوله
كل ضلعٍ من ضلوعي حافظٍ درس الولا=مثل حفظك للعفاف وللشرف يامذهلة
سولفي كذا السوالف تنسمع والاّ فلا=وإن بغيتيني أسولف اسأليني أسئله
اسأليني وابتديها بالنهار اللي تلا=ليلة إن الجرح يقرأ فــ.. الضلوع الممحلة
واسأليني عن زمان كم شرب فيني وكلا=أنتهي من مشكلة وألقى وراها مشكلة
المشاكل بهذلتني في غيابك والبلا=مالقيت اللي أحط السر عنده وأزهله
كل مااسمع _ كيف حالك _ ينقبض جفني علا:=دمعةٍ تبغى تقول : الحال دمع ومهزلة
وابلع العبره وأقول :بخير.. والهم انجلا=وآخر الهرج آتلعثم فيه وانقض أوله
ليه غبتي..ليه غبتي.. وأنتي اللي ماملا=عيني الاّ همس صوتك في زمان البلبلة
ياه..شفتي وين راح البال بالشعر وسلا!=قمت أعاتب فيك وإنتي فــ.. الضلوع مدللـــه
لأني ماصدقت نرجع للقصائد والغلا=بعد ذاك اليوم يوم أمنّت وأنتي مشملة
إيه ماصدق لكن ياعساني ماخلا=إقلطي بين الحنايا وافهقي جمر الوله[/poem]


http://www.l22l.com/l22l-up-1/b5ac510a9d.gif

[align=center]الأسرار..!![/align]
[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يارفيف الماء..وفجر العيد..وأحزان المواني=ياأكثر أهل الأرض طيبة قلب..وأسرار دفينة
المكان اللي هنا..مليان ضحكات, وأغاني !=والكلام اللي بغيت أقول..يحتاج لــ سكينة !
شوفي الركن البعيد هناك ..كنّه صدر حاني=هذا هو اللي يليق بــ شاعر وبنتٍ حزينة !
أنسي الشارع , وعتمات الزوايا , والمباني=هاتي يدينك نلفّ الغيم ونشكّل مدينه !!
عندي الليلة كلام وصمت..وأخاف الثواني=تظلمه أو تظلم اللي فيه كم ضاعت سنينه
بس لازم تسمعين اللي أبي ..والاّ تراني ..=لو بـ أعيده لك .. نسيت .. ورحت أقول اللي تبينه
شئ واحد قبل ماابدأ..ماأبي أي شئ ثاني..=يخطر فـ بالك ..وأنا أكشف لك شعور تجهلينه !
إن أنا.. وبكل ماتحمله ( احبك ) من معاني=كنت, وراح أبقى أحبك..لين..مدري وش هو لينه !
بس والله ماقدرت أنسى..ولاهمي نساني =لاذكرت انسان..فيه أسرار مابينك وبينه !
كل ماتطري عليّ فكرة هواك الأولاني=أشعر إني أنطعن مليون مرة من يدينه
أشعر إن عيونك .. الله ماخقلها الاّ عشاني !=كيف كانت تبتسم له ؟ قولي إنك تخدعينه
صورة إنه كان يمسح دمعك..تزلزل كياني=وكيف كان يلم شعرك ..ويتبعثر في يمينه
حتى اسمك يوم رحت أدللــه ..حظي رماني=بنفس الإسم اللي يقول ..بذمتك ماهي غبينة !
وكنّي اللي كل ماأناديك بالأسم الفلاني=أطلب النسيان .. يترك منه شئ تذكرينه
لاتظنيني أناني ..لا..أنا مانيب أناني=لو سلمت من الغرق.بــ أموت في ظهر السفينة
يا إني مااكمّل, وأعاني..أو أكمّل ثم أعاني=كل مااسمع طاري اسمه ..أو تجي عيني فـ عينه!
أيّنا كان الضحية؟..وأيّنا اللي كان جاني؟=مدري ! ولكن قراري لازم إنك تقبلينه :
مثل مااكره فكرة إنه واحد يأخذ مكاني=مااقدر أجلس في مكان إنسان ..كنتي تعشقينه ![/poem]

http://www.l22l.com/l22l-up-1/b5ac510a9d.gif

[align=center]
الــــعذر ..!! [/align]

[poem=font="Simplified Arabic,4,seagreen,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يعني كـذا يـاأم الوفـا والمحبـة=كـذا المحبـة والوفـاء ياوفـيـه
أغيـب عنـك أيــام ولا أتنـبّـه=إلا وانـا أشوفـك زعلتـي عليـه
وش زعلك ؟ وش هز قلبك وشبه ؟=يعني عشاني غبت صارت قضيه !
ياام القوام اللي مـن أدنـاه هبـه=يميـل كـن الخيـزران أدمـيـه
وأم الجديل اللي من يخـاف ربـه=يذكـر عليـه الله ويذكـر نبـيـه
إن كنت مخطي فالخطـا مايجبـه=إلا العذر وانا اعتـرف بالخطيـه
وهذي بعد من فوق الأعذار حبـه=لاتزعلـيـن الله يخلـيـك لـيـه[/poem]

http://www.l22l.com/l22l-up-1/b5ac510a9d.gif

[align=center]الطفل والمحارم..!! [/align]

كــــان في وسط المدينه...
طفلٍ أكبر من سنــــينه..

والده مات بحنــــانه..
ولاقعد يندب زمانه...

صادق هموم الشوارع ..
يمسح الدمـــع ويصارع ..
طفل لكن كان بارع ..
مات ابوه وجا مكانه ...

يمسح أطراف القوايل عن جبينه ..
يبعد الشمس ويطاردها بيدينه..


طفل أحزانه معالم..
طيب وسمح ومسالم..

يمشي ويطوح بصوته ..
يبغى قـــوت أمه وقوته ..


المحارم....المحارم....المحارم ..
المحارم....المحارم....المحارم ..


ولا أقبل الليل ..ورحل وجه النهار ..
راح لامه مثل الأطفال الصغار ..

وأرتمى في ...حظنها ..
أرتمى في....جفنها ..
أرتمى في....حزنها..


وقامت امه تبكي لضيعة سنينه ..
وصـــــاح...يمه
ليه يــاعمري حزينه؟ ..
دمعتك يالغاليه والله ثمينه ..


تحسبين أني حزين؟ ..
لا..وراسك ما ألين ..
من لقى هذا الحنين ..
ينسى حزنه..
ينسى همه...
ينسى حتى العمر كله..
دامــــك أنتي تحترينه..


وفي صباح من صباحات الضياع ..
الحزن قدر يقول له الوداع ..


نـــــــــادت أمه...ماسمع ..
صـــــاحت أمه...مانفع ..
طـــــاحت أمه...مارجع ..


الصغير اللي ملى الدنيا صراع...
مـــــــات ....من كثر الوجع

http://www.l22l.com/l22l-up-1/b5ac510a9d.gif

[align=center]نبض القصيد ..!![/align]

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماطرق جفن المحبه رمش ماله في السهر=وما لمس نبص القصيدة شاعر جاهـا كـذا
والله اني لاتعزوى واضرب حصون الخطر=لوعرف ورد المحبه كيف يلعـب بالشـذا
ياسحابه صيف منها مابعد شفـت المطـر=مغريه مثل الطموح ومشغلـه مثـل القـذا
رحلتـي شابـت تمنـى مبتداهـا بالخبـر=والنهايه ضاع وقتـي بيـن هـذا هـو وذا
ياكبر حظ السعادة طول عمـره ماصغـر=منهـو اللـي لاعرفهـا ماباغهـا لـه إذا
ماعرفت الا جروح مالهـا غيـر الصبـر=دام وقتي لاعطاني جـرح يبطـي ماخـذا
بين جرح وبين خوف وبين طعنات القـدر=طـب ياحظـي تخيـر أو تغيـر يــاوذا
وانت ياللـي لـو اقـول احبـك ماتسـر=في كلمـة فـي خفوقـي يرتكبهـا لاهـذا
ماملى عين المحبه غير وجهـك والسهـر=فوق نبض من نضمتـه مابعـد قلتـه كـذا[/poem]

http://www.l22l.com/l22l-up-1/b5ac510a9d.gif

[align=center]دفتر اوجاعي..!! [/align]

[poem=font="Simplified Arabic,4,seagreen,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اكتب واسلّي خاطـري ب (الكتابـه)=كود التهي في نظم الابيـات وانسـاه
واثر القصايـد منـه قامـت تشابـه=من وين اقلّب دفتر اوجاعـي القـاه
هـذي قصيـده قلتهـا فـي عتابـه=وهذي قصيـده قلتهـا يـوم فرقـاه
وذيك القصيـده قالهـا مـن عذابـه=يكتب قصيدٍ منكسـر بـس محـلاه
ويقول: (( جابه كان تقـدر تجابـه))=واقول شعرك لعن ابو مـن تحـداه
ويروح يضحك ما اقتنع في الاجابـه=ويقول: (( شعرك زين بطّل محابه))
واقول: ((طبعا زين ل (انّك) زهابـه=لاصرت روح البيت شولون تبغاه))؟
واليـوم ذاك الوقـت جمّـع شبابـه=واقفي ولاادري صاحبي ويـن وداه؟
ورضيـت مـدري ذل ولا مهـابـه=ابعد واهـلّ الدمـع ل (ايام)ذكـراه
الشعـر والليـل وبيـاض السحابـه=والضحك والحظ الـردي والمعانـاه
كلّـش يذكرنـي بـوقـتٍ غـدابـه=ياوين اب ( رمي) هالجسد فيه وانساه[/poem]


http://www.l22l.com/l22l-up-1/b5ac510a9d.gif

[align=center]كذبة كبيرة ..!![/align]

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اتعبتنـي عيـونـي قــدّ مـاهـي بصـيـره=واتعبتـهـا يديـنـي قــدّ مـاهـي جـفـول
قلت : "خيره".. ولكن وينهـا و ويـن خيـره؟!=لا عيـونـي تـكـفّ.. ولا يديـنـي تـنــول
هيه.. وين انت يا للي كـان مـا فيـه غيـره؟!=يفهـم اللـي اقولـه قبـل حـتـى لا اقــول
رحـت ادوّر حبيـبٍ مثلـك ابغـى استشـيـره=واثـر مـا كــل زولٍ ينتـعـوّض ب (زول)
جيـت نـاسٍ تـزوّد حيـرة القـلـب حـيـره=قلـت : "اطيـع الزمـان وكـل شـدّه تـزول"
قالوا : "العمر يكبـر".. قلـت : "كذبـه كبيـره=عمر الانسـان يصغـر كـل مـا هـو يطـول"
قالوا : "الشعر بيت".. وقلت : "انا الشعر ديره..=..اعقـل اللـي سكنهـا فيـه طيـش مهـبـول"
قالـوا : "اللـي فقيـر يحـب وحـده فقـيـره"=قلت : "واللـي يحـبّ يحـب وحـده خجـول"
قالـوا : "و ذيـك هـيّ الأولـه والأخـيـره ؟"=قلت : "ما ادري.. او ادري بس ما ابغى اقول"..![/poem]

http://www.l22l.com/l22l-up-1/b5ac510a9d.gif

[align=center]سهم وقلوب ..!![/align]

[poem=font="Simplified Arabic,4,seagreen,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياعـيـن كـفـي دمعـتـك لاتهـلـيـن=قـوي الصبـر هـذا زمـان العجـايـب

ماقـد سمعنـا رجّـع الـدمـع غالـيـن=ولاسمعـنـا رد دمـــع ٍ مـصـايـب

بـدل دموعـك حاولـي بيـنـك وبـيـن=قلـب ٍ عسـاه اليـوم ينسـى الحبـايـب

مااقول انسـي .. حاولـي كـود تنسيـن=خـلاص راحـت غايـتـك بالغصـايـب

الحـب قصـه والبطـولـه لشخصـيـن=وختامهـا كـل ٍ مـن الـحـب تـايـب

ماهـوب مثـل اللـي نظنـه مـن سنيـن=مانـدري انـه يـودع الـراس شـايـب

كنـا نظـن الـحـب يـرسـم بقلبـيـن=وسهـم ٍ علـى القلبيـن بالحبـر صايـب

واليوم اشوف الحـب فـي دمعـة العيـن=كـنـه غـريـب ٍ دون دم وقـرايــب

انشهـد انـه شـتـت الـحـظ أثنـيـن=راحـت وتهنـا فـي بحـور ٍ غـرايـب

راحـت وانـا واطلالهـا اليـوم باقـيـن=تـرقـب عيـونـي بابـهـم والهبـايـب

اذا انفتـح كـل الخفـايـا بــي تبـيـن=واذا تسّكـر جـاوب الـدمـع غـاايـب

انـا قـوي القلـب اصبحـت مسكيـن؟!=يحـق لـك يالعيـن خـاوي السحـايـب

ياعـيـن هـلـي دمعـتـك لاتمـلـيـن=غلطـان انـا يومـي ردعتـك وخـايـب

وآخر وصيـه مـن فهـم حالتـي زيـن=وآمـن بقلـب ٍ راح فـي الحـب ذايـب

ينحـت علـى قبـري رمـوز ٍ بحرفيـن=وينحت سهـم وقلـوب فـوق النصايـب[/poem]

http://www.l22l.com/l22l-up-1/b5ac510a9d.gif


[align=center]القلوب الطيّبه..!![/align]

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يادلال ان ضاع صوتي لايضيع اللي بقـى=لاتضيع الصورة اللي في خيالـك يـادلال

يابعد طول المسافـة والكلافـة والشقايـا=بعد كـل الحيـاة وكـل ماجـاب الخيـال

ماورى سـود الليالـي والفـراق إلااللقـا=وش تبين بهالدموع الزرق يابنت الحـلال؟

اتركي عنك الدموع وخلي الحـزن يهقـى=ان مالـه فالقلـوب الطيبـة أيـة مجـال

كلها جرح ونشـوف الليـل لامنـه بقـى=في جلال الصبح جعل الصبح مايلقى جلال

اقبلي قبل انتفارق والوصـال ابـو النقـا=ودي آخذك بيدينك والنقـا ولـد الوصـال

اقبلي واليوم يـوم الشعـر كانـه مارقـى=يم ذيك الغيمة اللي كنهـا (طلبـة تعـال )

لايجي باكر يغني : (ياسقـى الله وسقـى)=كل شي ان طال زال الا القصايد ماتـزال

لعن ابو ذكرى القصايد كان ذكراها محقـا=كل بيت وذكرياته في ملامحهـا سـؤال :

وينها اللي كنت انا والصبح ويديها شققـا؟=اي فال اللي رماني في خيالـك اي فـال؟

آه كان الشعر راح ورحتي انتي وش بقى=مابقى لي غير اجر الصوت وأسري يادلال[/poem]

http://www.l22l.com/l22l-up-1/b5ac510a9d.gif


[align=center]يبكون الحبايب فراقي..!![/align]

[poem=font="Simplified Arabic,4,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياقلب طالـت قسوتـك وأنـت ليّـن=في قسوتك ياقلب ويش انت لاقي !؟
اللي تعـدّى عمـر ماهـوب هيّـن=والعالم الله كم مـن العمـر باقـي !
يمكن يطول .. ويمكن اليـوم أعيّـن=موتي .. ويبكون الحبايـب فراقـي
وش عاد أسوي وسط قبري وأزيّن ؟!=لاجفت عروق .. وعيون .. وسواقي
لا عاد بـه فرصـة عشـان آتحيّـن=ولا عاد به زفـرة وأفـك اختناقـي
باكـر وكـل اللـي سترتـه يبيّـن=وانا علـى هالحـال ميّـس وهاقـي
مـدري متـى يهدينـي الله وأديّـن=وأكف عن بعض المشاوير ساقـي !
.

http://www.l22l.com/l22l-up-1/b5ac510a9d.gif

.[/poem]هذا غيض من فيض .. فــ إبداع فهد المساعد لاينتهي ..!!
.
.
وهذه مقاطع لم ينشرها فهد الاّ في موقعه :

http://www.l22l.com/l22l-up-1/f48a908fdf.gif

http://www.l22l.com/l22l-up-1/d5616d9e5b.gif

.


.


.



يسلم راسك على هالقصيد الطيب وماهب غريب عليك



انا اشهد انه مبدع بقوووه


شاعر وافي ومتمكن وشعره يطيب الخاطر


جعله في زوود دايم

/
الشاعر العذب .. فهد الماساعد

دوماً يتحفنا بالجميل

صح قلبه وفكره دوم

:

بنت الشيوخ قلبي

تسلمين ع النقل الاكثر من رائع

دام نبضك حي دوم

\
كوني بخير

بنت الشيوخ

وكما تعودنا منك ايهـــــــــــا الفارسه الاصيله

مواضيع نستفيد منها وحضور نستفيد ونستمتع به

وهالحضور الكبير مع الشاعر الكبير فهد المساعد يفتح لنا مجال من الاستمتاع والاستفاده من عمالقة الشعر النبطي

وتسلم يمينك ياابنت النشااماا

وبيض الله وجهك يالسناافيه

شعنونة شرفني وجودتس يالغلا

وأنتي أم الذووووق

وتسلمين عيوني

ناعمة هلا عيوني

وتسلمين على المرور

وحياك الله

محمد السليّس

شرّفت متصفحي ..

ولاهنت يالنشمي

[align=justify]هنا مررت حبا في الاستطلاع ..

قرأت مالم يكن بالحسبان , قصائد تنضح بالمعاناة , تتوشح قلائد التوهج ونور الابداع ..

فهد المساعد .. كنت أجهله كما يمكن أن يجهلني .. حرف متمرد على قوالب الطبيعة التي الفناها .. هنا وجدت حرفا راقيا يخاطب مشاعري ويدغدغ إحساسي ويتوسد أعماقي .. نعم هنا طاب المقام فطلبت وقتا إضافيا اولا ثم ثانيا ثم ثالثا .. لله درك مااروعك وما اروع ماسطرت من قصائد تستحق الوقت المهدور ..
شكرا عزيزتي " بنت الشيوخ " على هكذا بضاعة .. وهكذا استدراج الى حيث الابداع .. حكمت المحكمة حضوريا عليك بنيل وسام التميز ..
كل الود لمن شاد من الحرف بناء يستظل به الجرح ..[/align]

فهد المساعد مبدع ورائع بكل حالاته ..!!

(ناصر القزلان) :

شرفني مرورك وعطرت متصفحي .. ولاهنت

فهد المساعد

شاعر من زمن الروعة

قليلة الكلمات في حقه

لم استطع ان امنع نفسي من قرات جميع ما كتبتي له

بصدق

شكراً لك ..... بنت الشيوخ

.
.
.
أول خطوة

أول خطوة

حياتس عيوني .. وبجد فهد رائع ومبدع

والله يعطيتس العافية

ونورتي متصفحي

بنت الشيوخ

::

مجهود جبار وتشكرين عليه .. ماشاء الله

وفهد المساعد شاعر رائع رائع إلى حد السماء

تقبلي مروري

أخوكـ

نايف العتيبي ومرور أروع
شرّفني مرورك ودمت بــ خير.

يعطيك الف عاااااااااااااااااافيه

والله يحفظ الشاعر فهد المساعد
ويزيده ألق وعذوبة وجزاله

شاعر راقي ورايق بمعنى الكلمه :)

مشكوره اختى

المملوحة .. يعافيك ربي

وتسلمين على هــ المرور العذب

ودمتِ بــ خير.

وش ذا الموضوع الزين ..

يخرب بيتك قاعده أقوول متى بتنزل هالخبله هالموضوع ونزلتيه ولا قلتي لي.. ربنا يسامحك ياأختي..

المهم .. وربي موضوووعك ذوووق ياأم سعيد (( ولاّ أم خمّاس)) وبجد مش مجامله شكل صفحتك يفتح النفس..

ماقصّرتي عزيزتي..

والله يعطيتس العافيه..

تحيتي..

مشكوور خيتوو

قصيده روووعه يسلم ناقلها وكاتبها

عربجيه نعومه