لك يا حبيبي حق ولي حق ٍ اكيد
[align=center].
.
السلام عليكم ورحمة الله وبركاته
اعزائي..
اسعد الله جميع اوقاتكم بالخير والمسرات
مصافحة اتمنى ان تنال منكم القبول
:
[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لك يا حبيبي حق ولي حق ٍ اكيد =وكلن عليه حقوق وكلن له حقوق
وانت ادرى بالغيره حبيبي وش اتزيد =اذكرها واذكرني .. تذكرني ياشوق
كل يوم قال فلان من زيد وعبيد =اسمع ومنك الدم في القلب محروق
يوم اشتكي لك منك وتزيد تنكيد =وتزيد ما في الروح عوق ٍ على عوق
اييه انته وحدك بس مقيدني تقييد =من غيرك انته صرت انا فيه محقوق
مرت سنينٍ ما حصل منك تجديد =وانته كما انته غيمة ٍ ما بها بروق
كلمة احبك حكمها كان تابيد =ما تقبل استئناف والصك موثوق
بالآه اصبر كل ونة بتنهيد =لين اللهب من شمعتي صار مخنوق
هذا انته دايم موقفك شجب وتنديد =ومن يسالك يسبق جوابك له نطوق
ياما وياما قلت لك بس لا تقيد =تراي احس اني معك صرت مسروق
وش كان ردك لي تذكر او اعيد =عن نفسي احكي غرب والقاك فشروق
ميهمك الشخص المقابل وش يريد =واكبر دليل الحين ردك مهوو ذوق
وانته عن اهل الذوق يا ذوق ماتحيد =يشهد لك القاصي مع الداني خلوق
الا معي طبعك معاند وتعنيد =ابيك تطفيني وتشعل بي حروق
تخيل اللحظه عساها لك تفيد =وتحس فيني يمكن او يمكن تفوق
وارفق على قلب ٍ ملكته بوضع ايد =يسوقني باسم الغلا يمكم سوق
راضي معك بااللي انكتب راضي يا سيد =مهما يجيني منك لشعوري عقوق[/poem]
:
وسلامتكم
:
صلاح محمد الاحمدي
دمتم بود
.
.
.[/align]
