السوات اللي تسويها ترى ماهي سواه
بسم الله الرحمن الرحيم
السلام عليكم ورحمة الله وبركاته
اخترت لكم هذه المتواضعه على امل ان تنال اعجابكم واستحسانكم
واقول:
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
السوات اللي تسويها ترى ماهي سواه=كل مااقرب لك تبعّد وبك شوفك هو مطلبي
السراب اللي تلاشى لابغى الظميان ماه=كنه انته في سواتك مير أنا ما أجنّبي
هي لعانة عود والا طيش جاهل في صباه=الوكاد إنك ترفق في ياعين الظبي
ياقمر خمسة عشر لامن تعلّى في سماه=ياقصب سكر خضر ومن الهبايب يلعبي
يالغزال اللي تحول قلبي المغرم خلاه=كيف مايبغى يدوجه يفعل اللي به يبي
ياعفاف المسلمه والدين يامركن علاه=في سواد الليل دايم مع لباسك للعبي
ياوجودي منك وجد اللي يدافع من غزاه=من صلاة الظهر حتى حان وقت المغربي
وغدره من هو بشرّه من صباحه قد نواه=طاح ثم وخذت ذلوله فوقها ما المشربي
بحيد ضلع ووسط قفر وضلعه اللي من وراه=حين بان النجم ذيبه فوق راسه يقنبي
سلم أمره للولي والموت بعيونه يراه=خابر ٍ إنه عن طريق الموت ماله مهربي
وانت دربك عسر واللي مايباه عمره يباه=لعنبوا حيك سبيت القلب من جوفه سبي
وسط دربك قام يمشي وان لقا جمرك وطاه=كنه ايقول: استريح اليا لقيت معذبي
ماش راحه ماش خير ولاش عز ٍ في لقاه=كود هم وزود غم ولاحضر لك تذهبي
الوكاد انك توحى العلم مني والوصاه=اعدل اوضاعك معي قبل فوقك تقلبي[/poem]
[align=center]وسلامتكم واعذرونا على القصور[/align]
