ابو الولد يفرح ويبلش ويحتار
[align=center]بسم الله الرحمن الرحيم
رواد منتدانا الغالي
السلام عليكم ورحمة الله وبركاته.يسعدني ان اضع بين ايديكم هذه القصيده التي فرض عليها الواقع اللذي نعيشه بأن تميل الى الاجتماعيه رغم انها بمناسبة الحفل اللذي اقامه الشيخ عبد الله بن غزاي بن ناحل بمناسبة تخرج ابنه بـدر/ من كلية الملك فيصل الجويه برتبة ملازم طيار[/align]
[frame="7 80"][poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
قال اللذي لاقال لو عقـب حينـي=بالـدر والمحـار يتـرك ويختـار
يصور الواقـع علـى الحالتينـي=ويضمن الموجز تفاصيل وأسـرار
ويخاطب القلب النبيـه الفطينـي=بالعقل والحكمه وتركيـز الافكـار
وينبـه اللـي ياعـرب غافلينـي=عن حالةٍ ترهق مسنيـن وصغـار
في كل عـام اتداهـم المرتجينـي=لهـا عبـر دورات الايـام تكـرار
اليا أعلنـوا نتيجـة الناجحينـي=أبو الولد يفرح ويبلـش ويحتـار
تسهج خفوقـه فرحـة الفايزينـي=لولا ضلوعه تردعه بالحشا طـار
يجي بشرهة مالـك الرافـد ينـي=وتذوب ذوب الزبد لا لامس الحـار
بلوى عسى الله للمعانـي يعينـي=ويصبر الصابر ويلطف بالأحـرار
الحلم ضـاع وكثـرو الشامتينـي=ومعاني ألصدمه بقت معه تذكـار
يعيشهـا بيـن الولـه والحنينـي=ويكنهـا ويصـد ويفـح لافــار
ويدله القلـب الجريـح ألحزينـي=بإن المقـدر صـار والوقـت دوار
هــذ وذاك وذاك متحطمـيـنـي=حطوا لهم معيـار ماهـو بمعيـار
لهم القلوب تذوب عطف وتلينـي=وبحال مشحونه من الغيض وتغار
واللـي مـع التوفيـق متفوقينـي=لهم مجالٍ غيـر واعمـال وادوار
متميـزيـن ودايــم اميزيـنـي=الله ياقاهم مـن عيـون الأشـرار
اللي علـى التكريـر مستامنينـي=واللي بعلم الطـب للعلـم سبَـار
واللـي كشـف تخبـط العابثينـي=انصفته الخيرة وحضـه والأقـدار
لاسجلـت للعبـد فـوق ألجبينـي=يجيبها من غيهب الجـم شنكـار
علمٍ عليـه اشهـود يالسامعينـي=اكبر تناقض صار لاتقول وش صار
هنا أنرفض و هناك شمسه تبينـي=صح المثل حسب انتشاره بالأقطار
محدٍ حجب شمس الضحى باليديني=دليل واقـع مـا اتخبـط بالأخبـار
بدر جنـت يمنـاه زرع السنينـي=من فضل رب البيت رتبه وطيـار
مـاراح ابـوه يسـار ولا يمينـي=ولاحب خشم ول دفع ربـع دينـار
قدوه لو إنه شـاب دنيـا ودينـي=بإرادته حطم حصينـات الأسـوار
فـك الحصـار وقـال للدارسينـي=سوو سواتي يا بعيديـن الانضـار
ما للطمـوح حـدود يالطامحينـي=القمه العليا تبـي عـزم وإصـرار
يقولـه اللـي شـارك الغانميني=بتقديمة الجزلة لوافيـن الأشبـار[/poem][/frame]
[align=center]ناهس بن ناحل[/align]
