بسم الله الرحمن الرحيم
السلام عليكم ورحمة الله وبركاته
هذه متواضعه من الارشيف اضعها بين ايديكم واتمنى ان تنال على استحسانكم واعجابكم:
[poem=font="Simplified Arabic,5,black,normal,normal" bkcolor="transparent" bkimage="" border="none,5,gray" type=1 line=0 align=center use=ex num="0,black"]
الزين ياعثمان عرّض عليه=صارت هروجي مع مروره مشابيك
وسط العرب يمشي ولاشفت زيه=مثل الفرس بين النياق المباريك
وارجوك من وصفه يجيني بليه=حيثه حكم للزين من دون تشكيك
أقبل علي وقلت يالله حيه=مقبل ودربه مايبا عنه تحريك
اظاهر انه سامع ٍ في مجيه=دقات قلب ٍ ترجمت (وبك انا ابغيك)
قالت:سلام وقمت بأحلى تحية=كنّي خفير ٍ في لقا الظابط أوريك
قالت:عمى شايفني هبلا غبيه=قلت: العذر منكي ولااعلم خوافيك
قالت:تطالعني وعينيك فيه=قلت:الخطا وينه وانا حالاً أرضيك
قالت:لئلـّك حكية ٍ جوهريه=اعرف مقامك قبل تخطي خطاويك
احذر تراني بنت جداً غنيه=وبابا ملي ّ الجيب يسمونه البيك
لو شفت حالك بالمرايه شويه=حسيت في عيبك وكثرة بلاويك
أنت بدوي حالتك صعبة شقيه=عصر التطور مادرى عنك ناسيك
وتعيش عيشك عيشة الجاهليه=أرجوك فكر قبل تبدا مباديك
قلت:اسمعي والدم عجل غليه=يابنت حظك طاح مابين رجليك
قصدي شريف ولابه أية خطيه=بانت علومك لي وبانت مماشيك
تبغين راع المال والمقدريه=اللي بماله ياضعيفه يمنّيك
حب المظاهر ضيعك يابنيه=خلّ ٍ يصبح بك و خلّ ٍ يمسّيك
وإلا حياتي معتبرها هنيّه=كنّي شريت الكون وبصك تمليك
مادمت في طاعة ولّي البرية=ومقفل على الشيطان باب وشبابيك
وابحث عن الرزقة صباح وعشيّه=يوم إن مال الخل كبّر علابيك
دايم رفيع الراس نفسي أبيه=ولانيب مثلك يملكك من يعشيك
وإن كان ذكرك للبدو فيه شيّه=يعني (مسبة) لازم الرد ياتيك
إيه بدوي واسكن بنجد العذيه=أرض ٍ جلعها الله خير وتباريك
إيه بدوي واملك بصدري حميه=وانتي ضعيفه مانعيّن محاميك
وشفي على بنت الستر وبدويه=كن سترها سود الليال المحاليك
دانه بوسط البحر دايم خفيه=تكرم وتسواكي وتسوى مصاريك
نادت على السواق: عجّل عليه=قلت:اتركك للدهر علّه يربيك
وختامها:عثمان هاك القضيه=بيت القصيدة عانه الله يعافيك
صاحبك عايش بالحلام النديه=شافك تعاين قال قرب باحاجيك[/poem]
وسلامتكم
واعذرونا على القصور[/QUOTE]
