:::: عطني حبوب مهديه فيني صــداع**واقلب على ( ام بي سي ) والا الجــزيره :::
[align=center]أكــــيد كلكم تشوفون المهزله الشــعريه
على اغلب القنوات اللي استثمرت أسم الشعر
عن طريق أشخااااص لاينتمون للشعر من قريب ولا من بعيد
بدون تخصيص لا لاسماء قنـــوات والا لاسماء شـــعار
لكن اتمنى ان اكون مثل اسامه أبن لادن الشعر في وجهه هذه المهززززززله
صلو على النبيــــي[/align]
[poem=font="Simplified Arabic,5,black,bold,normal" bkcolor="transparent" bkimage="backgrounds/44.gif" border="groove,4,gray" type=1 line=1 align=center use=ex num="0,black"]
عطني حبوب مهديه فيني صداع=واقلب على ( ام بي سي ) والا الجزيره
حط أي حاجه ( فلم _ كرتون _ أيقاع)=رجعني لهيفاء وطاري سميره
هاك الريموت وغير الموجه بساع=لا أكسر الشاشه وتصبح نثيره
يلعن أبوه الشعر لاصار تباع=من باشته /لي سيده /لي وزيره
لاصار مثل اللي نشوفه وينذاع=يحرم علي مربوعته والقصيره
صار الشعر للي مهابيل ورعاع=ناس(ن)تفلسف به ولاهي خبيره
تجبره لين يجيك طايع ومنصاع=وحروفهم تضلع ومره كسيره
لازون لامعنى ولابحر وشراع=يا الله عفوك والستر والستيره
غزوه من مبداء الغنج والتمياع=وحاسومقاديمه وحاسو مريره
كنهم هبيل(ن)صبح القوم طماع=يبغى حلال القوم وافلت بعيره
عزي لحال الشعر ياشيخ فزاع=قرب له مداوي وهات الجبيره
مافيه بعد الله سوى كفك ذراع=وانا لك المحزم وانا لك ذخيره
نبغى نوردها عليهم بالاشفاع=ماهمنا لوهم جموع(ن)غفيره
والله ما انكف لين ياتون خضاع=لانهم خزي في (لاوله) و(الاخيره)
ناس(ن)لك الله ماتثمن وتنباع=ولاتفرق بين سـيف وجفيره
ولا تعرف المد / والسدس/ والصاع=عميان الارياء ضايعين البصيره
أشكالهم تغريك لاكنهم جياع=للمعرفه /والفـايده /والسـريره
لاجاك طارفهم تقول أنه مرياع=من نظرته من كلمته من مسيره
مالاعته شمس القوايل والا التاع=بين السموم وذاق لفحة هجيره
ناس(ن) تدربي روسها جعلها القاع=على نمط واحد ونفس الوتيره
غرتهم الشاشات وأنـوار الابداع=والقاب أمير الشعر والاسفـيره
الين واحد بينهم قال (ويشـاع)=أنه (فـرزدق) ها الزمان (وجـريره)
ياجعل أبيه النار من وين له باع=وشلون ماقال أنه ابن المغيره
يعني اذا لم تستحي والحياء ضاع=ماتشتهي سوه ولا تستعيره
وانا لماحسيت في راسي صداع=وصدري من الضيقه تزايد زفـيره
باتابع الموجـز أو أسمع لي أيقاع=اما على (أم بي سي) والا الجـزيره
وســــــــلأمتكم[/poem]
