اخويه مات

[poem=font="Simplified Arabic,4,black,bold,normal" bkcolor="transparent" bkimage="backgrounds/6.gif" border="inset,4,gray" type=2 line=0 align=center use=ex num="0,black"]
فقدته مير ماكني فقدته=معقب له عيالٍ يارثونه
عساهم للبقا في كل ساعه=عساهم بعد موته يذكرونه
مشى عني وانا واقف واشوفه=دخل عني وصُك الباب دونه
دخل في غرفةٍ ظلما حزينه=وعليه تراب قبره يردمونه
وعليه العين هلّت بالعباير=وضاق الصدر مما يفعلونه
وحطوا له مخده من ترابه=وجوه اللي يبون يوادعونه
وجابوا له جديد الثوب ضافي=ولبس الثوب قبل يخيّطونه
وحطوا له عمامه من قمشاه=وبعد هالعز راسه يدفنونه
نشدني من نشدني قلت مدري=عميلٍ جاء يبي ياخذ ديونه
وقالو ليش تبكي؟ قلت ودي=اوسّع خاطرٍ كثرت حزونه
ولو الصبر للمؤمن وسيله=كثير الصبر مايبرد غبونه
نشدت الذيب واثر الذيب صادق=يقول العصر بكره تنقلونه
ولو ان الموت علمه عند ربي=سحاب الصيف يُعرف من مزونه
عسى قبره تغشاه السحابه=وعشب الوسم ينبت في ركونه
وعسى له حجةٍ غرى نظيفه=ليا جوه الثنين بينشدونه
لفونا للعزى كل الجماعه=الا يابخت من ربعه يجونه
وتوجهنا لقصرٍ فيه ظلا=وجونا كل ناسٍ يعرفونه
وكلٍ عك ماواجه من اللي=بفعل الخير اخويه يذكرونه
وترى الامثال في بعض المعاني=صدق من قال وانتم تفهمونه
ترى من عقّب عيالٍ نشامى=لو انه مات ذكره يظهرونه
اخويه لو نسيت الكون كله=انا منساه للي يذكرونه
اخويه مايجي مثله بداله=لو انه له عيال يمثلونه
اخويه قاضي الحاجات للي=ليا ضاقت عليهم ياصلونه
الا ياموت قلي وش تبي به=ياليتك تاركه للي يبونه
تبي تلقى العشا من دون اخويه=وبعد تسعين عام تواجهونه
بشهادة حق والحاضر محمد=مسح وجهه وطمن له عيونه
يفوز بجائزة رب البريه=جزيل المد للي يطلبونه
ابوماجد ليا جات اللوازم=قضاها مايقسّم في ظنونه
ليا جا راعي الحاجه قضاها=وقال خراز مالي من متونه
عسى له عروةٍ وثقى متينه=وحبل العز ماتُنقض منونه
اخوه يساعده والله يعينه=وراس العز ناهضته متونه
الا يالله بجاه الاسم الاعظم=وجاه البيت واللي يدرجونه
وجاه اللي تشد الها الرحايل=الاقصى والموالي ياصلونه
وجاه اللي نبي منه الشفاعه=شفيع الخلق يوم يواجهونه
عسى منزال اخويه وسط جنه=عسى الولدان فيها يخدمونه
وعسى منزال اخويه بالنعايم=ومن سلسل سبيل يشهدونه
يجي في روض والريحان بابه=وحور العين فيها يقبلونه
وعسى الجدان الاقصى والموالي=ليا سمعوا باخوي يجاورونه
عسى ياخد كتابه في يمينه=ومنكر مع نكير يسامحونه
اخويه مات والمشكى على الله=لعل الصالحين يحالفونه
لو الموت يرضى بالكفاله=اخويه كل ربعه يكفلونه
لكن الموت مامورٍ ومنهي=يطيع اللي نهوه ويامرونه
واختمها بذكر الله واصلي=صلاة الها المؤذن تسمعونه
صلاة الله يباريها سلامه=على اللي بالرساله يرسلونه[/poem]

ترى من عقّب عيـالٍ نشامـى
لو انه مـات ذكـره يظهرونـه

عز الله انك صادق

يذكرونه بفعل الخير والرجوله ورفعة الراس

اخوي الدويبي

رحم الله من كان ميتا وأبقى له من يوصله الاجر بعد مماته

صح لسانك لا عدمناك

اخويه لو نسيـت الكـون كلـه
انـا منسـاه للـي يذكـرونـه
اخويـه مايجـي مثلـه بدالـه
لـو انـه لـه عيـال يمثلونـه
اخويه قاضـي الحاجـات للـي
ليا ضاقـت عليهـم ياصلونـه
الا ياموت قلي وش تبـي بـه
ياليتـك تاركـه للـي يبـونـه
تبي تلقى العشا من دون اخويه
وبعد تسعين عـام تواجهونـه
بشهادة حق والحاضـر محمـد
مسح وجهه وطمن لـه عيونـه
يفـوز بجائـزة رب البـريـه
جزيـل المـد للـي يطلبـونـه


صححححححححح قلبك صح قلبك

قصيده ابكتني

ومعاني اعادتني لحزن ثار في اعماقي

الله يرحم من سار اليه

الدويبي


اخويه لو نسيـت الكـون كلـه
انـا منسـاه للـي يذكـرونـه
اخويـه مايجـي مثلـه بدالـه
لـو انـه لـه عيـال يمثلونـه
اخويه قاضـي الحاجـات للـي
ليا ضاقـت عليهـم ياصلونـه


اي والله ما مثل الاخ احد ابد

وفراقه طعنةٌ في القلب لن تطيب ابدا


ساظل اردد هذه الابيااات فقد وجدتهااا تخفف مابي من الم

لكن المـوت مامـورٍ ومنهـي
يطيع اللـي نهـوه ويامرونـه


الله يجبر عزاك ويرحم موتى المسلمين


صح السانك


تقبل تحياتي

الله يرحم اموات المسلمين



قصيده مؤثررررره





صح لسانك

قصـيدة مـاطـرة ,, أسعدتنـي رغـم الحـزن السـاكـن في أعماق حروفهـا :(

أخـي الكـريـم , رحـمه الله وأسكنـه فسيح جنـاته ..

أشكـر قلبك الصادق الذي هطـل علينـا بالصدق / ونبيل الشعـور / و أجمل العبارات / وأعذب المعاني .

وصح قلبك وفكرك وقلمك يا ربي ,

لا عدمناك من أخ .

أختك / سود العيون .

ترى من عقّب عيـالٍ نشامـى
..............لو انه مـات ذكـره يظهرونـه
اخويه لو نسيـت الكـون كلـه
..............انـا منسـاه للـي يذكـرونـه
اخويـه مايجـي مثلـه بدالـه
..............لـو انـه لـه عيـال يمثلونـه

الدويبي ....... صح لسانك

الله يرحمه ... ويسكنه فسيح جناته ..

قصيدة أحزنتني بالفعل .. واستحوذت على كل مشاعري ...

كل الأحاسيس تحركت أمام أبياتك ..

لله درك ...

تحياتي

سهم المنايا

اخويه لو نسيـت الكـون كلـه
انـا منسـاه للـي يذكـرونـه
اخويـه مايجـي مثلـه بدالـه
لـو انـه لـه عيـال يمثلونـه
اخويه قاضـي الحاجـات للـي
ليا ضاقـت عليهـم ياصلونـه




الله يرحمــه

وصح لسانك يالقرم

لاهنت على هالقصيده الجزله المُعبِره

ألاياموت قلي وش تبـي بـه
ياليتـك تاركـه للـي يبـونـه

سنة الحياه يالدويبي

ويعطيك ألف عافيــه يامبدع . .

منيف الشلهوب
جزاك الله الف خير
واشكرك على المتابعه
اخوك المحب الدويبي

طيف الوله

لم اكن استغرب يوما حضورك عن
كتاباتي المتواضعه
فانتي تزيدين كتابتي جمالا
وتنيرا لصفحتي

وجزاك الله الف خير
ويعلم الله كم تشرفني شهادتك لي واعتز بها


اخوك المحب الدويبي

اخوي بن دحيلان اشكرك وجزاك الله الف خير


اخوك المحب الدويبي

جواهر
جزاك الله الف خير
ومشكوره منقلبي
اخوك المحب الدويبي

س و د العيون

جزاك الله الف خير على مرورك
اخوك المحب الدويبي

استاذي سهم المنايا
جزاك الله الف خير
على مرورك
واكن لك كل الاحترام

اخوك المحب الدويبي

عبد الله التوم
جزاك الله الف خير
وحنا ماراح نرد المكتوب
بس الواحد يحاول يخفف عن نفسه بهالكلام
الف شكر على مرورك العذب
الخوك المحب الدويبي

[glow=66FFFF]اخويه مات والمشكى علـى الله
....................لعـل الصالحيـن يحالفـونـه
لـو المـوت يرضـى بالكفالـه
....................اخويـه كـل ربعـه يكفلونـه
لكن المـوت مامـورٍ ومنهـي
...................يطيع اللـي نهـوه ويامرونـه

احسن الله عزاك يالدويبي

وهذا طريق كلنا سالكينة

.
.
.
.
نعود إلى ابجديات الفن بالقصيدة

لله درك يالدويبي صغت لنا قصيده أو مرثية

لامست قلوبنا بصدقها

وهذي عوايدك عودتنا على مصافحة الصدق والاحساس

صح الله لسانك على هذه الدرة[/glow]

احسن الله عزاك

الجمتنا اخي

لم اذق متعة القصيدة فالحزن غلبني



رحمه الله


رحمه الله

اخوي عذب الاوهام
جزاك الله الف خير
واشكرك على مرورك الجميل
اخوك المحب الدويبي

اخوي عشق ليل
جزاك الله الف خير
ولو ان الكلام يفيد لتحقق كل ماارادنا
ولكن ماباليد حيله
اشكرك على مرورك العذب
اخوك المحب الدويبي