يا ليت والله من خذاها ولو عرف
[align=center][align=center]السلام عليكم ورحمه الله وبركاته
من الارشيف اتمنى ان تعجبكم
وسامحوني على الانقطاع
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
المزنه اللي بلّل الخد ماها = ما ساعفتني لو ذرف موقها ذرف
لكن يا لَعلها يا عساها= اداوي اجروحي ويهنى لي الطرف
العين من كثر السهر واعناها= والقلب من زين الغنادير به صرف
اصرفته اللي يا ماشاء الله علاها= وخلـّت جميع الناس تجلس على طرف
مهره عطاها الله عطاها عطاها= يا هي كحيله تنفض الراس والعرف
اليا اقبلت كنها تجرّ بقفاها = وان ادبرت كنها تدفدف على جرف
وان كان نادتني البي نداها= اجيلها لو بيني وبينها ظرف
عذروبها متغطرسه واتباها= ياذا التغطرس كارفٍ حالتي كرف
وعذروبي اني منجرف في غلاها= يا هو غلاها مسرف بحالتي سرف
يا تينتن وبل السحايب سقاها= يا ليت والله من خرف تينها خرف
استغفر الله يوم اناظر حلاها = اقول بالشيول اتغرف الحلا غرف
واليا ازعلت مني وعاينتناها= اقوم الخبط واشبك الحرف بالحرف
وان جيت اقاومها وبلعن ثواها = عديت فوق النايفه وآهرف هرف
الله يسعد لي مساي ومساها = رسايل العشاق ظرفٍ ورى ظرف
واختامها كلمه ولا به سواها = يا ليت والله من خذاها ولو عرف[/poem]
وسلامتكم[/align][/align]
[align=center]
(ماقلت لك لاجيت تنزّل قصايدك خل واحد ينزلها غيرك ، إملائك صفر مدري وشلون عدّيت الجامعه ، لكن تراني تلقـّفت كرماً مني وأمراً منـّك وعدّلت الأخطاء الإملائيّة) اخوك اللي مايحبك : راكان بن بدن .[/align]
