يابوي جيتك اشكي الحال مقهور .. نواف الناصر
اقبلوها كم هي ..
واتمنى ان ترتقي لذائقتكم ..
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يابوي جيتك اشكـي الحـال مقهـور=من هاجسن بالقلب مدري علامه؟
ولدك يبكـي وادري اليـوم معـذور=ماحسّب لقول العدو .. والملامـه
ولدك يشكـي وماعلـى حالتـه زور=وعز الله انه صادقن فـي كلامـه
وانا اشهد انك بالوفا بانـي قصـور=وهذي الحقيقه ومـا عليهـا غمامـه
وعلمتني فـي دنيتـي عـدة امـور=وطبعتها في وسـط قلبـي علامـه
في صحبة الطيب وانا ابوك مجبـور=واحفظ صحيبك ليـن يـوم القيامـه
ويابوك احفظ علمي اليـوم والشـور=الضيف ثم الضيـف احفـظ مقامـه
واحذر ينادونك هل الشعـر مغـرور=واحـذر تسـاوم ياولـدي بالكرامـه
واحذر تسمّع صاحبك من ورى السور=واحـذر تصنّـع ياولـدي بابتسامـه
ولامن دخلت جدال مع شخص مطيور=احـذر تشبّـه بالبحـر والتطـامـة
والله امرك وانـت لرضـاه مأمـور=عليك ..(بالتقوى)...( وبالاستقامـه)
ناسن تموت وناس تبكي علـى قبـور=وناسن تفكـر بالسهـم وانقسامـه
ترى الاوادم بالعمـر مثـل الاطيـور=كلـن ضمـن ابمخلبـه وش طعامـه
وابعد عن دروب الهوى وعيش مستور=وش لك بدربـن مايعـرف السلامـه
ترى الهوى لو ينطرى اليوم مدثـور=محدن تحقـق فـي غرامـه مرامـه
هذي الحقيقه واغلـب القـول مأثـور=لا يخدعك لـون البحـر وانسجامـه
ياكم شخصن عام في اعمـق بحـور=واثـر الغـرق منيّتـه يـوم عامـه
يابوي انا في قربك اليـوم مسـرور=ياتـاج راسـي ياخـوي الزعـامـه
ياعل عمرك يايبـه سنيـن ودهـور=انت الكريـم وانـت رمـز الشهامـه
وصلات ربي عد ما هـدت صقـور=وعـداد وبلٍ منتثـر مـن غمامـه[/poem]
نواف الناصر
