المشاركة الأصلية كتبت بواسطة ابو اسامة
من قصائدي
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العمر مقفـي والليالـي مقبـلات=والنفس تبذل بالعمـل مجهودهـا
البل يا نادر تبى صبـر وثبـات=قبلـك رجـالٍ بيحـت بسدودهـا
فقرٍ يونس صاحبـه ولا غنـات=مع طاعة الله يكتمـل مقصودهـا
مقيولةٍ قبلي مـن رجـالٍ ثقـات=ترفع لها اسماءٍ ما بلغ منشودها
عزٍ لاهلها بالسنيـن الماضيـات=يـوم القبايـل ثايـرٍ بـارودهـا
معززاتٍ عنـد اهلهـن مكرمـات=قبل الفيز مـا خرجـت لهنودهـا
خمسين متنٍ بالوصوف مشرهفات=وشرفان يهدر وسطها ويقودهـا
سود البكار المتعبـات الناهيـات=تحرق قلوب اعداك قبل كبودهـا
ان جيت تنظر للمشافر ظافيـات=يصعب على راع النظر منقودهـا
مثل الحلق اوبارهـن معكرشـات=جرد الرقاب وضافيـات خدودهـا
فجحٍ تشوف ازوارهنـه مقفيـات=عن نحرها متفهقـات عضودهـا
اسنامهـن بردوفهـن متاخـرات=يامسنـدي يالله عسـاك تفودهـا [/poem]
