@@كريم ويستــــــــــــــــــاهـ ــــل @@
هذه القصيده في رجل يستحق ويستاهل
وهو صاحب السمو الامير يزيد بن فيصل بن يزيد آل سعود
[poem=font="Simplified Arabic,5,blue,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
الشعر يازينه الى طاب معناه = يجى على فنه وذوقه وأصوله
والشعر مثل البحر منهو تمثاه = يموت لا ماجاب دره ولولـــه
ومدح الكرام احلى واجمل هداياه = والفكر ياخذ فيه صوله وجوله
ويزيد صعب تشوف مثله وشرواه = محد ٍ يشابهله ولحـد ٍ بحوله
((يزيد بن فيصل ))وانعم بطرياه = قرم ٍ محد يقدر يجاري فعوله
والله محد يقدر يسوى سواياه = ولايطول اللى يزيد بيطوله
تواضعه.طيبه. علومه . سجاياه = غير المكارم والكرم والرجوله
الطيب في دمه وساسه ومجناه = ودايم على الطولات يسرج خيوله
جابر لعثرات النشاما وتلقاه = لامن باب الحظ وثق قفولـه
له ضحكة ٍ دايم تزين محياه = ونفسه على الضيقات ماهى عجوله
والحلم من اجمل واروع مزاياه = في شخصه وسمته وفعله وقوله
والجود من عادات نفسه ومبداه = مثل السحاب اللى تحين هطوله
مايلحق المنــه لمن جاد واعطاه = تفداه يمناً فالجميل مغلولــــه
له مجلس ٍ كل النشاما تنصّاه = من كل جنس وكل شكل وحموله
يفرح بمن زاره ويفرح بمن جاه = وتبين هقواته بروعة قبولـــه
ياطيب حظ اللى عناله وخاواه = على طريق العز ساقه ذلوله
وانا تمنيت وبلغ حظى مناه = ونيل المطالب مايجى بالسهوله
والله مبغا المال همى هو الجاه = وجاهه هو المكسب بعرضه وطوله
حرام لقضي باقي العمر وياه = الين نجمى مايقرب افوله
هذا ومثله مكسب العمر وغناه = دوله ولكنـــــه سكن وسط دولـــه [/poem]
