لخبطة أحاسيس
الى ذائقتكم
[poem=font="Arial,5,white,bold,normal" bkcolor="transparent" bkimage="backgrounds/26.gif" border="double,4,orange" type=1 line=1 align=center use=ex num="0,black"]
الصوره اللي رسمها الشوق قدامي=يامل عين بكت قدام هالصوره
الشوق أحرق بقايا واهن أعظامي=يازين ناره مدام النفس مجبوره
ماغير أسلي فؤادي بأكذب أحلامي=لاأصبح صباحك تجيب علومه طيوره
أكذب وأصدق وأغطي الهم بأوهامي=كني فقيرٍ بنى بخياله قصوره
ياغايب عننا بزياده آلامي=ذكرى وصالك ترى بالقلب محفوره
يافجري اللي أحسه ضيّع أعلامي=متى على الله يجي ويفجّ في نوره
ويافرحي اللي عطش في غبة أسقامي=أصبر يجي لك حبيبي بأعذب نهوره
الليل طول ياذيك النفس ماتلامي=ملت كلامٍ (ترا هالنفس معذوره)
أجلس مجالس ماغير أشكال هندامي=وإلا المشاعر تروح دروب مخبوره
والصورة اللي رسمها الفكر بأقلامي=أدمت جراحي ( دواها صاحب الصورة)[/poem]وسلامتكم
