ثالث مشاركاتي .:$:.][ لـــبى ][.:$:.
[align=center]الأخوة الأعزاء
منسوبي منتديات غرابيل
زوار هذا الصرح الأدبي الشامخ
السلام عليكم ورحمة الله وبركاته
أسعد الله أوقاتكم بكل خير
يسرني أن أضع هذه الأبيات المتواضعة بين أيديكم وأمام أعينكم
لأحضى بالمزيد من التوجيه والتعقيب
كما أنني أعتذر عن الإطالة مقدماً[/align]
[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="ridge,9,skyblue" type=2 line=1 align=center use=ex num="0,black"]
البارحة ما نون عيني من بعد فرقاه نون = إلا حرامي يسرق الغفوات تحت اجفانها
لين اشتكاه الرمش عند القلب وأخفته العيون = ودارت وراه العبرة الي شغّلت ونانها
أثر السهر والدمع والتفكير دين من الديون = والمشكلة بإني لقيت أسمح بشر ديانها
لا جيت أوفّي له طعون يزيدني فوقه طعون = "كريم سبلا" صاير "وسبلا" تبي من صانها
بين الرجا والياس قطّعت القناعة والظنون = لا ني بأنا اللي صد عنها ولا سرجت حصانها
وأنا مثل راعي البضاعة كل ما راح الزبون = يرجع يقلب فالفواتير ويعيد أثمانها
والبارح اللي كنه مصور بشاشة تلفزون = أربع مشاهد مسرحية ما انعرف فنانها
بطولة الي يربط المشلح بخيط البنطلون = (تصغر مطاليب الشيوخ وتبلتش رعيانها)
ويا ليل لامن رحت سلم لي على الطرف الحنون = قله ترى النفس الشقية ما تمل احزانها
أنا احسب الشعار دائم فالقصايد يظهرون = والله بلاني بشاعره ما احدٍ قرى ديوانها
قيفانها (إيه ـ وأوى ـ وايّه ـ وآم ـ ولا ـ وأون = يا كبر حظ القافية اللي صخرتها أوزانها
الجادل اللي راح لباها العقل قبل الجنون = وأنا الذي ما قلت "لبى" غير ذي من شانها
لبى الجمال اللي تنزّه عن متاهات المجون = لبى قوالب زينها من راسها لسيسانها
لبى الظلام اللي تبدد كل ما يسريه مون = ليلٍ كما الشلال لا من حار بين امتانها
ولبى الجبين اللي كما البراق في غر المزون = ولبى شقار القذلة اللي خالطت حجانها
ولبى العيون الناعسات اللي تضيق بها الجفون = ولبى الهدب كل ما تعب وارتاح فوق أوجانها
ولبى الوان الوجنتين اللي تجي لونٍ ولون = حسب ظروف الموقف اللي .. تختلف ألوانها
ولبى حمار الجمرة اللي زادها ثلج السنون = ولبى رحيق الزهرة اللي ذاب تحت السانها
ولبى النحر كل ما انتحر بين التراقي والمتون = ولبى لحبة خالها اللي دهورت عمانها
ولبى فضى الصدر الرحيب اللي تمرّح به ضعون = لو يحتوي كل البشر ما يحتوي ديانها
ولبى اليسار اللي ليا عانت يمينه ما تخون = ولبى اليمين اللي ليا عاهد بها ما خانها
ولبى الخصر كل ما انهصر مثل رطيبات الغصون = ولبى كرستال الحلا المبروم في سيقانها
ولبى الكرز لبى العنب والفل ولا الزيزفون = لبى الحديقة كلها من خوخها لرمانها
لبى ولبى وش بقى لبيه يالخلق الفتون = لبى قوالب زينها من راسها لسيسانها
- =[/poem]
[align=center]وسلامتكم ، ، ،[/align]
