نزف القريحة في بياض الصحايف ....في غرض الاعتذار
قصيدة خرجت من القلب عندما أغضبت
أخي الكبير أبو فهد
بعد أن حصل بيننا (( تتــش )) بسيط
بس ابليس ملعون الثوى بغى يكبرها
بس بدري عليه بإذن الله
كما أسلفت خرجت من القلب لتعانق القلب
وعاد الصفاء مجددا
اقبلوها هدية متواضعة لمنتدى غرابيل العامر
لعل الصفاء يعود بيني وبين غرابيل
عارف إنكم زعلانيين وخاصة ذاك .......
هو عارف نفسه
يا سرع ما يزعل وياسرع ما يرضى
يا حبي له
أخوكم
محمد عويض السفري
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلام ياحر ٍ رقا راس نايف=نسل الحرارأللي يشوقك هداده
سلام ياحر ٍ على المجد لا يف=فرس السمين بمخلبه صار عاده
يا أبو فهد ما قصدنا وأنت شايف=والله مالي في علوم البلاده
لكن ذاك ابليس زبن الخفايف =إللي يدور للزيادة زياده
وإللي حصل يا خوي لا شك هايف=والعذر دية يا مكان الرياده
وإن كان ودك بالعلوم النصايف=افرش فراشك واحتري للوفاده
أجيك وشيوخ العرب والطوايف=وأحب خشمك وأعترف بالسياده
وأحب راسك وأنثني للرهايف=وأحب يد أللي كريم ٍمداده
وإن عودت للجود مبداك كايف=وكلن على ماقيل يسرج جياده
وإن عفتني يا خوي ماني بعايف=يا كيف أعافك وأنت درب السعاده
إنته بعد عودٍ عليه الحسايف=أقفى عسى يارب يجمل حصاده
عساه فالجنة وحوله ولايف=حور العيون ولا يعرف النكاده
نزف القريحة في بياض الصحايف=هجوس شاعر ما يبيله شهاده[/poem]
