مجارتي لسموالاميرالسامر خمسين عام
هذه مجاراتي لأبيات الشاعر سموالامير السامر
[poem=font="Simplified Arabic,5,darkblue,bold,italic" bkcolor="orange" bkimage="" border="outset,10,skyblue" type=2 line=0 align=center use=ex num="0,black"]
عز الرياض وعـزوادي حنيفـه=وعزالامـاره والامـور العظايـم
عدل الحكم سلمان بالعـز ريفـه=خمسين عام كل ابوهـا غنايـم
تبصر بعدله عيـن حـي كفيفـه=المجد له والطيـب والعـز دايـم
سلمان رمز ٍ للقلـوب النظيفـه=مااحد ٍشكي بسنين حكمه ظلايـم
يمـد للمضيـوم كـف ٍ لطيفـه=ألطف من الشربه على كبد صايم
أقبل ربيـع العزوأقفـى خريفـه=والعاصمه هبّـت عليهاالنسايـم
دون أرضها يلبس حزامه وسيفه=لاضامها من هول الايـام ضايـم
درع الرياض وسيف نجد العفيفه=عن شلة الإرهاب وأهل الجرايـم
من شاف عينه لازعل جاه خيفه=من كلمته يصحى عقل كل نايـم
خـيّـال لظهورالمهارالعسيـفـه=من هيبته يقـوى ردي العزايـم
عزمه مثل حد السيوف الرهيفـه=مثل العقاب إن حام بالجو حايـم
في حنكتـه ذلـل دروب ٍ كليفـه=حتى رسـم لـه بالتطوّرعلايـم
طال بحضارتهاالجبـال المنيفـه=وأرسى على الدين الحنيف القوايم
في ظل أبومتعب وحكمة حليفـه=سلطان لانامت عيـون الهلايـم
يشوش مثل الحر ماأحلا رفيفـه=دون الوطن مايستمع هرج لايـم
حكامنا مثـل السبـاع المحيفـه=كل السعود أدنا من أدنا صرايـم
من نسل ضرغام فعوله شريفـه=عبدالعزيـز مهـدّي كـل سايـم
شيخ ٍحكم يوم السنيـن العنيفـه=يوم إنهـا جـوع ٍوذل وسمايـم
بالسيف ماهو باإنتخاب ووظيفـه=فوق الركاب الضامرات الهضايـم
يالله ياعـازل ربيعـه وصيفـه=ياواحد ٍ ماهو عن الكـون نايـم
ترفع لهم بالعـز بيضاءصحيفـه=ومن مات تجزاه الجنان النعايم[/poem]
