[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياناس قال اللي وطا حامـي النـار"="شاقه غزال (ن) لوّحت لـه يديهـا
تلقـي التحيـه وتلفّـت وتحـتـار"="شفـت الغـلا بعيونهـا محتويهـا
وتنظر لي بنظرة تعجـب وتذكـار"="ثـم استـذارت والحـلا مرتديهـا
بعيونها بحر (ن) وانا فيـه بحـار"="واخاف من غـدره وانـا مهتويهـا
اغوص انا داخله وادري به اخطار"="ما تاب قلب (ن) بالهـوى مبتليهـا
العشق سيف (ن) تشهره سابق انذار"="وخافي جروحي بالحشـا تشتريهـا
انا ارتديت الليل ثوب (ن) وستّـار"="اراقـب نجـوم السمـا واحتريهـا
سألت عنها نجمة سهيل ويش صار"="في اللي حياتي خاتم (ن) في يديها
ردت وقالت خايفـه تاخـذ الثـار"="بعيونك اللي حابس المـوت فيهـا
علي أحسن المكرمي
( الصمـت الثائـر) [/poem]
