ما كل زول يعوض في عشرته زول
[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
تسمعي يـا عزوتـي كـل مـا اقـول=اللي يبـي عـرف التفاصيـل يوحـي
انا قصيدي نبـض مـا هـو بمنقول=كانه دخلك الشك فـي نبـض روحـي
مانـي بقايـل شـي ماهـو بمعقـول=ان ما عجبك الهرج سامحـك روحـي
انا مع الاحـزان وافـي علـى طـول=يـوم فهمتنـي صادقتنـي جروحـي
شاعر معـذب متلـف الحيـل معلـول=مـا وده بسـر المواجـع يبـوحـي
اللي معك يا بنت بـا اليـاس مقتـول=نـور الامـل عيـا لعينـه يلـوحـي
من عقب ماهو شامخ(ن) مثل ابا الهول=عجزت عزومـه لا تطـول السفوحـي
امسوه ربعـه تايـه الفكـر مذهـول=عاف الوناسه والطـرب و المزوحـي
كنه بزنزانـه عـن النـاس معـزول=تنـزف شرايينـه ودمــه يفـوحـي
وش ينفعه لا قالـوا النـاس يححـول=ما دام وقتـه بـا السعـاده شحوحـي
عين القهر لاصـرت مذمـوم ماكـول=وامسى مصيرك بيد نذل(ن) بجوحـي
العـز لامـن صـار ناويـك بنـزول=يقفل لك ابـواب الامـل والطموحـي
من عقب حبي مـا تمنيـت مجمـول=ولا هزني مـن يطربـه كثـر نوحـي
ما كل زول يعوض فـي عشرتـه زول=والحـب بابـه مـا يغطيـه لـوحـي
اليا اطرب اذني صوت دافي و معسول=بكيـت روحـك ياغلـى روح روحـي [/poem]
