ياروح روحي غيبتك طولت حيل
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياروح روحي غيبتك طولت حيل=عساك ما انت لصادق العهد بايق
واهل المحبه صادقين الاقاويل=تحفظ لتوثيق المحبه وثايق
ودي بشوفك شفت بعدك بهاذيل=مير البلا بالدرب دونك عوايق
وحب العذارى ناقضات المجاديل=يحرق قلوب اهل القلوب العشايق
سيفه يطوع ناطحين المقابيل=لقلوبهم مع ساحة الحب سايق
اللي لهم هيبه تخيف الرجاجيل=ويزبن عليهم كل مبلي وضايق
من حب منهم لابسات الخلاخيل=باله ماهو في كل الاوقات رايق
خصٍ بعد نوم المخاليق بالليل=تشب في صدره لهيب الحرايق
ويا بنت ياللي لك على البيض تنفيل=وزينك على زين الغنادير فايق
ابنشدك وابي مردك بتعجيل=وطالبك انا بالرد قول الحقايق
كان الغلا محفوظ لو طول الطيل=للصبر عند الناس عدة طرايق
الصبر يذكربه من الله تساهيل=من اللي عليماً في نوايا الخلايق
وان كان حبك به دعايه وتمثيل=وعلومكم صارت كذوب ولفايق
الكذب عيب ولابقوله محاصيل=والنقع مايشبه بحوراً عمايق
والنفس ماتقبل مهونه وتفشيل=ولاني من اللي للمقفي لحايق
ولا ارسل وراهم بالعلوم المراسيل=ولازينهم للعين والقلب شايق[/poem]
