تقبلوا ثاني مشاركاتي .. (( الضـــيـــقـــــــــة ))
[align=center]تقبلوا هذا النص التوجدي
القابل للنقد
وألتمس العذر منكم مقدماً[/align]
[poem=font="Traditional Arabic,6,white,bold,normal" bkcolor="transparent" bkimage="backgrounds/21.gif" border="ridge,10,skyblue" type=2 line=1 align=center use=ex num="0,black"]
البارحـة فــي ثنـايـا الـهـم والضيـقـه = همـوم تطـمـي عـلـى قلـبـي وأفرقـهـا
بالـزفـره الــي لهبـهـا نــار تشهيـقـه = يزفـر لهيـب الحشـا نيـران وأشهقهـا
مالـي جـدا الا القصايـد فـي طواريقـه = وزقــارة المـالـبـورو يـــوم نحـرقـهـا
تطفـي لهيـب الحشـا لـو زاد تحريقـه = كــم كـنـةٍ فـرجــت هـــم امتضايـقـهـا
مــا كـنـي الا عـزيــزٍ نـاشــفٍ ريـقــه = نغـزه شيـطـان روحــه يــوم وهقـهـا
وحده خصيمه على شيٍ مهـو يطيقـه = وطلـق علـى حـاجـةٍ مـاهـو بطايقـهـا
ومعزبتـه لـه ثـمـان سنـيـن عشّيـقـه = تزوجـه مــن بـعـد مـاهـو بعاشقـهـا
وخسـر الكـلام وتوهـق فـي مناطيقـه = وبعـد أربـع عيـال منـهـا راح طلقـهـا
وطلـق حياتـه بـعـد مــا قــل توفيـقـه = وكن مغرب الأرض عنده جر مشرقها
مـا عــاد لــه فالبـحـور الا تصافيـقـه = ولا عاد لـه بالشوامـخ غيـر شاهقهـا
ومــا كـنـي الا سـواتـه فــي معاليـقـه = شي يجـض الحشـا والـروح يسرقهـا
ولا أنـــا عـادتــي لا جـتـنـي ضـيـقـه = ولوعات الأيـام أسرع مــن دقايقـهـا
أركب على الي ليا عجـزوا سواويقـه = عليـه أسلـم علـى اللكـسـز وسايقـهـا
وصـرت أتهـزى وكـنـه فـيـه تعليـقـه = أقدم الـمـرتـبــة قـــــدام وأفـقــهــا
وأمشى بتغريب ولا أمشـي بتشريقـه = ومـا لـي بطفشـان خلـق الله ورايقهـا
وأنــا طـراتـي رفـيـقٍ فــي صناديـقـه = يحـفـظ لــك العـلـم وأبـوابـه يغلـقـهـا
عـقـيـد قـــوم لـيــا دقـــوا مطـاريـقـه = يرجع لـه الشـور وإن صفـوا بنادقهـا
وإن جـا مـع الفجـر للشبـه مشافيـقـه = قـلـط بـكــارٍ شـديــد الـنــار حـارقـهـا
ودسـم سبـال اللحـا وأكـرم مسابيـقـه = وبعـد ارتفـاع الشعـاع الصبـح ريقهـا
هـذي طــراة النشـامـا فــي طواريـقـه = ولا ترى النـاس مـا تحصـى طرايقهـا
وإن عودت فـي ثنايـا الهـم والضيقـه = الله يــا ساعـتـي مــا أبـطـى دقايقـهـا
مــا كـنـي إلا عـزيــزٍ نـاشــفٍ ريـقــه = وأم العيـال الحبيـبـه غـصـب طلقـهـا[/poem]
[align=center]سلامتكم .. تقبلوا ودي ، ، ،
، ، ،
، ،
،[/align]
