دقـايــق رجّعــت كــل الحكـــايــه ،،،،
السلام عليكم ورحمة الله وبركاته
وأيضاً من وحي المدرسه الشعريه ،،
أبيات متواضعه أتمنى أن تنال القبول والرضا من ذائقتكم الراقيه
[poem=font="Simplified Arabic,6,sandybrown,normal,normal" bkcolor="black" bkimage="" border="ridge,7,sandybrown" type=1 line=0 align=center use=ex num="0,black"]
تلاقينا سوا والشـوق ظامـي=سلامه ذاب في دافي سلامـي
تلاقينـا بعـد غيبـه طويلـه=عجز يحكي وانا تهت بكلامي
تمكّن بس وبشبه ابتسامه=يجدّد كل ذرّه من هيامي
وانا في حضرة شعوره وحشني=بغيت أنطق ويسبقني ملامي
تذكّرنا ليالينا وسهرنا=وكيف يموت بحضوره ظلامي
وكيف يطير من كلمة أحبك=وكيف يتوه لو حسّ بخصامي
دقايق رجّعت كل الحكايه=وذكرى جرح في الخفّاق دامي
تذكّرنا .. تذكّرنا .. وبكينا=ولاهي من مقامه أو مقامي
نسيته صح لكن مانسيته=تناسيته وضحّيت بغرامي
توادعنا وفي الخاطر سوالـف=وضعنا قبل تذكرنا الأسامـي
صحيت وحسرة الفرقا بقلبـي=أثاريني لقيتـه فـي منامـي
غريبه كيف ضيّعنـا المحبّـه=وباقي حلمنا والشوق ظامـي[/poem]
شكر خاص لـ :
أساتذة المدرسه الشعريه
أمل عبدالعزيز ، نيّاف العتيبي ، صلاح الأحمدي
أختكم :
وجــــدان
