المشاركة الأصلية كتبت بواسطة تركي الشاماني
[poem=font="simplified Arabic,5,black,normal,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
شعرة اخو سفيان لو نرضابها في كل حين=كل الحبال اللي ورا متعقدات انحلها
يابنت والله وقتها مانشتكي جور السنين=لو الدهر ماله مع الله حيلةٍ يحتلها
يابنت من بعد الحضورالزين يقفاه اللعين =غبتي وانا ماني براعي دمع لاجل اهلها
ليه الغياب اللي جرحني يوم انا ضلعن متين=وليه ابتعادك هزني هز الزلازل كلها
ليه القلوب الذابله ماعاد يسقيها الحنين=ليه الاحاسيس اهملت والود مايوصلها
عطيتكي كل الغلا وانتي كذا ماتعرفين =انك ليا غبتي دروبي كلها مادلها
انتي غزالن وسط قلبي كل ليله ترتعين=دونك بنادق زاهبه وسيوف شهب انسلها
انتي كما شمس النهار اللي بعدها مايبين= الا اظلال اغصانها اللي ماتلاشى ظلها
شوفي سواحل بحرنا ماعاد فيها سايحيين=اقفوا وانا اللي كنت خابر دقها من جلها
امواجها قامت تلاطم عن يسار وعن يمين=وانا الغريق اللي انثنى من دون حق اون لها
شوفي سمانا مظلمه يابنت الا ماترحمين=شوفي اراضينا بعد عيا السحاب ايبلها
يابنت روفي وارجعي والا اسمعي لا ترجعين=الله عليكِ حالتي بديت صدق املها
صحيح فقدك حاجةٍ عظمى وانا جرحي ثخين=لكن ابصبر حلها ماهوب عندي حلها[/poem]
